عوامی مسلم لیگ کے سربراہ شیخ رشید نے کہا ہے کہ اگلے جمعہ سے پہلے فیصلے ہوجائیں تو اچھی بات ہے۔
سابق وزیر داخلہ شیخ رشید نے لال حویلی کے باہر پریس کانفرنس کرتے ہوئے کہا کہ پاکستان کے حالات انتہائی پیچیدہ اور تشویشناک ہیں، اگر مذاکرات سے معاملات حل ہوجائیں تو خوش آئند بات ہے۔
‘آئندہ دس دن پاکستان کی سیاست کے اہم ترین دن ہیں’
انہوں نے کہا کہ عمران خان کا مطالبہ جائز ہے، الیکشن ہونے چاہئیں، ملک بیٹھتا جارہا ہے، اکانومی تباہ ہو چکی ہے۔
شیخ رشید نے کہا کہ اہم تعیناتی کو سیاسی ایشو نہیں بننا چاہیے، آئندہ دس دن پاکستان کی سیاست کے اہم ترین دن ہیں۔ لوگ فیصلے چاہتے ہیں، فوج ہماری ہے اور عظیم فوج ہے۔
انکا کہنا ہے کہ آج اسحاق ڈار صدرمملکت سے ملنے گئے ہیں، اسحاق ڈار صدر سے ملنے آئے ادھر بھی آئیں، میرا بھی خیال تھا علوی صاحب سے ملنے جاؤں۔
‘اگلے جمعہ تک 8دن انتہائی اہم سمجھتا ہوں’
پی ٹی آئی رہنما نے کہا کہ اگلے جمعہ سے پہلے عمران خان پنڈی میں ہونگے، اگلے جمعہ سے پہلے فیصلے ہوجائیں تو اچھی بات ہے، اگلے جمعہ تک 8دن انتہائی اہم سمجھتا ہوں۔
انہوں نے کہا کہ عمران خان اگلے جمعے تک پنڈی میں ہوں گے اور ہم ان کے میزبان ہوں گے، ہم نہ قانون کو ہاتھ میں لیں گے نہ کوئی ایسا کام کریں گے۔
‘عمران خان کے ساتھ چٹان کی طرح کھڑے ہیں’
شیخ رشید نے کہا کہ غربت مہنگائی بے روزگاری اور عدم تحفظ اتنا بڑھ گیا ہے سب فکر مند ہیں، تنخواہ دار آدمی اتنا تباہ ہو گیا کہ لانگ مارچ میں لوگ ہمارے کہے بغیر آئیں گے۔
عوامی مسلم لیگ کے سربراہ نے کہا کہ ہمارا احتجاج پرامن ہوگا، ہم نے کسی کو قانون ہاتھ میں نہیں لینے دینا یہ بھی ہماری ذمہ داری ہے۔
انہوں نے مزید کہا کہ ہم فیصلہ کر چکے ہیں کہ عمران خان کے آمد پر کمیٹی چوک سے اس کے ساتھ شریک ہوں گے، عمران خان کے ساتھ چٹان کی طرح کھڑے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News