’ شہرِقائد کی سردی میں اضافہ 24 نومبر سے متوقع ہے‘  محکمہ موسمیات

 تفصیلات کے مطابق  آج بھی شہر کراچی میں صبح کے اوقعات  دھند کا راج  رہا  تاہم راتیں خنک ہونا شروع ہوگئیں ہیں۔

 محکمہ موسمیات کی رپورٹ کے مطابق کراچی میں موسم سرما کی آمد چند روز میں متوقع ہے ، کراچی کی راتیں خنک ہونا شروع ہوگئی ہیں تاہم مطلع آج صاف رہے گا اور بارش کا کوئی امکان نہیں ہے۔

 آج شہر کے میدانی و مضافاتی علاقوں میں دھند  کے باعث  حد نگاہ متاثر رہی جبکہ شہرمیں 2 کلومیٹر فی گھنٹہ کی رفتار سے شمال مغرب کی سمت سے  چلنے والی ہواؤں میں نمی کا تناسب 61 فیصد ریکارڈ کیا گیا۔

 رپورٹ میں مزید بتایا گیا کہ کراچی میں کم سے کم درجہ حرارت 16.5 ڈگری سینٹی گریڈ ریکارڈ کیا گیا ہے تاہم زیادہ سے زیادہ درجہ حرارت 30 ڈگری سینٹی گریڈ ریکارڈ ہونے کا امکان ہے۔ اسلام آباد میں بھی موسم سرد اور خشک رہے گا اور یہاں کم سے کم درجہ حرارت 5 ڈگری سینٹی گریڈرہنے کا امکان ہے۔

ملک کے بیشتر علاقوں میں موسم سرد اور خشک رہے گا۔ محکمہ موسمیات

 محکمہ موسمیات کی رپورٹ  کے مطابق  پشاور، مردان، نوشہرہ، صوابی اور پنجاب کے میدانی اضلا ع کے علاوہ فیصل آباد، لاہور،سیالکوٹ، نارووال، گوجرانوالہ،اوکاڑہ، میاں چنوں،بہاولپورملتان ، سکھر اور گردو نواح میں دھند پڑنے کی امکان  ظاہر کیا گیا ہے۔

صوبہ سندھ ، صوبہ پنجاب کشمیر اور گلگت بلتستان سمیت اسلام آباد اور خیبر پختونخواہ میں موسم سرد اور خشک رہے گا جبکہ صوبہ بلوچستان کے بیشتر علاقوں میں  موسم خشک جبکہ شمالی اضلاع میں موسم سرد رہےگا۔

گزشتہ 24 گھنٹوں کاموسم

 محکمہ موسمیات نے بتایا  کہ ملک کے بیشترعلاقوں میں گزشتہ روز  موسم خشک جبکہ شمالی علاقوں میں موسم سرد رہا محکمہ موسمیات کی رپورٹ کے اعداوشمار کے مطابق آج ریکارڈ کیے گئے کم سے کم درجہ حرارت لہہ میں منفی 8، استور اور کالام میں منفی 5 ، زیارت اور اسکردو میں منفی 4، بگروٹ اورہنزہ میں منفی 3، گو پس اور قلات میں منفی 2 جبکہ بارہ مولہ اور گلگت میں منفی 1 ڈگری سینٹی گریڈ ریکارڈ کیا گیاہے۔