عدالتی وزیر اعلیٰ سے جلد ہی پاکستان کی جان چھوٹ جائے گی، عظمیٰ بخاری

عدالتی وزیراعلیٰ سے جلد ہی پاکستان کی جان چھوٹ جائے گی، عظمیٰ بخاری

ویب ڈیسک

09th Jan, 2023. 02:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عدالتی وزیراعلیٰ سے جلد ہی پاکستان کی جان چھوٹ جائے گی، عظمیٰ بخاری

پاکستان مسلم لیگ ن کی رہنما عظمیٰ بخاری نے کہا ہے کہ جلد ہی عدالتی وزیراعلیٰ سے پاکستان کی جان چھوٹ جائیگی۔

رہنما مسلم لیگ ن، عظمیٰ بخاری نے صحافیوں سے غیر رسمی گفتگو کرتے ہوئے کہا ہے کہ ہمارے پاس نمبر پورے نہیں ہیں آپ کو نمبر دکھائیں گے۔

انہوں نے کہا کہ پرویز الہٰی اعتماد کا ووٹ نہیں لیں، آخر گیارہ تاریخ تو آنی ہے وہ کیلنڈر سے گیارہ تاریخ نوچ کر پھینک تو نہیں سکتے۔

انہوں نے مزید کہا کہ پرویز الٰہی عدالت کے حکم پر ڈنڈے کے زور پر اگر وہ اعتماد کا ووٹ لیں گے پھر بھی لوگ پورے نہیں ہیں اور مونس الٰہی اپنے ابا جی کو بچانے اور بندے پورے کرنے کے بجائے کسی اور جگہ پر بیٹھے ہیں۔

رہنما مسلم لیگ ن کا کہنا تھا کہ سوال ہے پیدا نہیں ہوتا کہ پرویز الٰہی اعتماد کا ووٹ لے سکیں گے، دیکھتے جائیں فلم ابھی باقی ہے۔

خیال رہے کہ آج پنجاب اسمبلی کا اجلاس بلایا گیا ہے جس میں مسلم لیگ ق اور پی ٹی آئی اپنی عددی تعداد ثابت کریں گے تاہم اعتماد کا ووٹ ایجنڈے کا حصہ نہیں ہے۔

اس حوالے سے قانونی ماہرین نے عمران خان کو اعتماد کا ووٹ لینے کے فیصلے کو عدالتی فیصلے سے مشروط کردیا ہے ۔

پنجاب اسمبلی میں نمبر گیم:

پنجاب میں اپوزیشن اتحاد کی کل تعداد 178 ہے جس میں ن لیگ کے ارکان کی تعداد 167 جبکہ پیپلز پارٹی کے ارکان کی تعداد 7 ہے ۔

اسکے علاوہ پنجاب میں اپوزیشن اتحاد کو 4 آزاد ارکان کی حمایت بھی حاصل ہے۔

دوسری جانب پاکستان تحریک انصاف کے ایوان میں 180 ارکان ہیں اور انہیں ق لیگ کے 10 ارکان کی حمایت بھی حاصل ہے جس کے بعد حکومت کی حکومتی اتحاد کو 190 ارکان کی حمایت حاصل ہے۔

خیال رہے کہ وزیرعلیٰ پنجاب چوہدری پرویز الٰہی کو اعتماد کا ووٹ لینے کے لئے 186 ارکان کے ووٹ درکار ہیں۔