وزیراعظم شہباز شریف کی جانب سے بھارت کو تنازعات کے حل کے لئے مذاکرات کی پیشکش کردی گئی ہے۔

تفصیلات کے مطابق وزیراعظم شہباز شریف نے العربیہ ٹی وی کو انٹرویو دیتے ہوئے کہا ہے کہ بھارتی قیادت نریندرمودی کوواضح پیغام ہے کہ آئیں،بیٹھیں اورسنجیدہ مذاکرات کریں تاکہ تنازعات حل ہوں اور سئلہ کشمیرسمیت تمام مسائل حل کریں۔

انہوں نے کہا کہ بھارت ہمارا ہمسایہ ملک ہے اگرچہ ہم اپنی مرضی سے ایک دوسرے کے ہمسائے نہیں ہیں لیکن ایسا ہے تو اب یہ ہم پر ہے کہ ہم امن سے رہیں اور ترقی کریں یا پھر جھگڑتے رہیں ۔

انہوں نے کہا کہ پاکستان اور بھارت کےدرمیان 3 جنگیں لڑی گئیں ہیں، جس سے غربت اور بےروزگاری کے سوا کچھ نہیں ملا کیونکہ ایک دوسرے کیساتھ لڑنے سے وسائل ضائع ہوتے ہیں۔

یہ بھی پڑھیں: ملک کی خدمت کرنے والوں نے مشکل کے باوجود انسانیت کی مدد کی، وزیراعظم

وزیراعظم کا کہنا تھا کہ ہم بھارت کے ساتھ امن کے ساتھ رہنا چاہتے ہیں لیکن مسائل اور تنازعات کا حل بنیادی شرط ہے جس کے لئے بھارتی قیادت اور بھارتی وزیراعظم کو مذاکرات کے لئے میرا واضح پیغام ہے۔

ان کا کہنا تھا کہ کشمیر میں ہر روز انسانی حقوق کے خلاف ورزیاں جاری ہیں جس پر ہمارا مطالبہ ہے کہ بھارت اگست 2019 کےاقدامات واپس لے ۔

انہوں نے بتایا کہ پاکستان کو معاشی چیلنجزکا سامنا ہے اور اس سلسلے میں برادر ملکوں کی امداد کو تجارت میں بدلنا چاہتے ہیں۔

شہباز شریف کا کہنا تھا کہ خلیجی ممالک نے پاکستان کی معاشی مسائل سے نکالنے میں اہم کردار ادا کیا ہے۔

ان کا کہنا تھا کہ یواےای کادورہ کامیاب رہا جو  میرا اور لاکھوں پاکستانیوں کادوسراگھرہے اور معاشی لحاظ سے بھی یواےای سےتعلقات اہم ہیں۔

انہوں نے بتایا کہ سعودی عرب ہمارا دوست ملک ہے، پاکستان اور سعودی عرب کے درمیان تاریخی تعلقات ہیں۔

یہ بھی پڑھیں: وزیراعظم کا مشکل وقت میں پاکستان کا ساتھ دینے پر سعودی وزیراعظم کا شکریہ