ترجمان دفتر خارجہ نے کہا ہے کہ پاکستان کی بھارت سے متعلق پالیسی واضح ہے اور پاکستان بھارت کے کشمیر میں مظالم کی ہر سطح پر مذمت کرتا ہے۔
تفصیلات کے مطابق ترجمان دفتر خارجہ ممتاز زہرا بلوچ نے ہفتہ وار بریفنگ کے دوران وزیراعظم شہباز شریف کے بھارت سے متعلق بیان پر وضاحت کرتے ہوئے کہا کہ پاکستان بھارت سمیت تمام پڑوسی ممالک کے ساتھ بہتر تعلقات چاہتا ہے۔
یہ بھی پڑھیں: وزیراعظم کی بھارت کو تنازعات کے حل کیلئے مذاکرات کی پیشکش
پاکستان ایران سرحد پار سے دہشت گرد حملے
انہوں نے کہا کہ پاکستان ایران سرحد پار سے دہشت گرد حملے کے شدید مذمت کرتا ہے جس کی دہشت گردوں نے ایران کی سرزمین استعمال کی ہے۔
انہوں نے مزید کہا کہ امید کرتے ہیں کہ ایران ذمہ دار عناصر کے خلاف کارروائی کرے گا۔
ترجمان دفتر خارجہ کا کہنا تھا کہ پاکستان اپنی سرزمین ایران کے خلاف استعمال نہیں ہونے دے گا اور ایران بھی پاکستان کے خلاف اپنی سرزمین دہشت گردی کے لئے استعمال نہ ہونے دے ۔
یہ بھی پڑھیں: پاکستان دہشتگردی کے خاتمے کے لئے پر عزم ہے، ترجمان دفتر خارجہ
سعودی عرب اور پاکستان کے برادرانہ تعلقات
ان کا کہنا تھا کہ سعودی عرب اور پاکستان کے برادرانہ دوستانہ تعلقات ہیں، دونوں ممالک کے مابین مزید تعلقات مضبوط ہوں گے ۔
انہوں نے بتایا ہے کہ دونوں ممالک سعودی سرمایہ کاری کے حوالے سے رابطوں میں ہیں اور پاک سعودی سپریم کونسل معاشی معامالات پر بھی بات چیت کرتی رہتی ہے۔
خنجر اب سرحد عارضی طور پر کھولنے کا فیصلہ:
ترجمان کا کہنا تھا کہ چین عارضی طور پر خنجر اب سرحد کھولنے پر آمادہ ہوگیا جس کے بعد خنجراب بارڈر چین میں سپرنگ فیسٹیول کے لیے آج سے کھولا جا رہا ہے ۔
ان کا کہنا تھا کہ مقامی تاجروں کو سہولت دینے کے لئے بارڈر کھولا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News