سابق وزیر اعظم شاہد خاقان عباسی نے کہا ہے کہ پاکستانی سیاست اپنی ناکامی کی انتہاء کو پہنچ چکی ہے۔
تفصیلات کے مطابق سابق وزیر اعظم شاہد خاقان عباسی نے تقریب سے خطاب کرتے ہوئے کہا کہ اگر باقی پاکستان میں بلوچستان کے مسائل پر بات ہوتی تو یہ سیمینار نہ ہوتا، جب سیاستدان الزامات پر اتر آئیں تو باتیں عوام کے پاس سے چلی جاتی ہیں۔
شاہد خاقان عباسی کا کہنا تھا کہ اس فورم کا مقصد عوام کے مسائل پر بات کرنا ہے، کوئی ایسا فورم نہیں کہ جہاں ہم ملکی صورتحال پر بات کریں، 1973 کے آئین کو رواں سال 50 سال مکمل ہوجائینگے۔
ان کا کہنا تھا کہ مسائل صرف اسکول یا ہسپتال بنانے سے حل نہیں ہونگے، آپکے منتخب اراکین جب آپکے مسائل پر بات نہیں کرتے تب مسائل حل نہیں ہوتے، جب ملک میں انصاف کا نظام مفلوج ہو جائے تو لوگ دوسرا راستہ تلاش کرتے ہیں۔
انہوں نے کہا کہ بلوچستان کا جذبہ دیگر صوبے کے لوگوں میں نہیں، جب راتوں رات سیاسی جماعتیں بننا بند ہونگی تو مسائل حل ہونگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News