مشعال ملک نے عالمی برادری سے سوال کیا ہے کہ نہتے کشمیریوں پر بھارتی مظالم پر دنیا کیوں خاموش ہے؟
کشمیری حریت رہنما یاسین ملک کی اہلیہ مشعال ملک کا یوم یکجہتی کشمیر کی مناسبت سے ڈیجیٹل فوٹوگرافی اور تصویری نمائش کے افتتاح کے بعد میڈیا سے گفتگو کرتے ہوئے کہنا تھا کہ مقبوضہ کشمیر میں مکمل بلیک آؤٹ ہے۔
مزید پڑھیں: حریت رہنماؤں کو بھارتی حکومت تشدد کرکے موت کے گھاٹ اتار رہی ہے، مشعال ملک
مشعال ملک نے کہا کہ یوکرین کے حق میں آواز اٹھانے والے ممالک مقبوضہ کشمیر کے عوام کے بارے میں بھی سوچیں۔نہتے کشمیریوں پر بھارتی مظالم پر دنیا کیوں خاموش ہے، حریت رہنما بھی قید میں صعوبتیں برداشت کر رہے ہیں۔
انہوں نے کہا کہ آزاد کشمیر کے حوالے سے بھارت کھلے عام دھمکیاں دے رہا ہے۔آنے والے کچھ عرصے میں مقبوضہ کشمیر منی بھارت میں تبدیل ہو جائے گا۔
مزید پڑھیں: ارشد شریف کے خاندان کا درد جموں کشمیر کے ہر گھر کا درد ہے، مشعال ملک
مشعال ملک نے کہا کہ مقبوضہ کشمیر میں آبادی کا تناسب تیزی سے تبدیل کیا جا رہا ہے، عالمی طاقتیں ہندوستان کو مقبوضہ کشمیر سے نکالیں۔
ان کا کہنا تھا کہ بھارت کی قید میں حریت رہنماؤں کو شدید اذیت کا سامنا ہے۔یاسین ملک کی طبیعت ناساز ہے، ان کا ہاتھ جل گیا ہے اور زخم خراب ہو چکا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News