تحریک انصاف نے ساڑھے 3 سالہ اقتدار میں پاکستان کو ترقی سے ہمکنار کروایا، فرخ حبیب

ویب ڈیسک

19th Feb, 2023. 11:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تحریک انصاف نے ساڑھے 3 سالہ اقتدار میں پاکستان کو ترقی سے ہمکنار کروایا، فرخ حبیب

پی ٹی آئی رہنما فرخ حبیب نے کہا ہے کہ تحریک انصاف نے ساڑھے 3 سالہ اقتدار میں پاکستان کوترقی سے ہمکنار کروایا۔

تفصیلات کے مطابق مریم نواز کی گفتگو پر پاکستان تحریک انصاف کے رہنما فرخ حبیب نے رد عمل دیتے ہوئے کہا کہ (ن) لیگ آج کل اپنی آخری سیاسی رسومات کے سلسلے میں شہر شہر تماشے لگا رہی ہے، مریم نواز عوام کو بے وقوف نہ بنائیں، پی ڈی ایم کا بیانیہ مسترد ہو چکا ہے۔

انہوں نے کہا کہ تحریک انصاف نے ساڑھے 3 سالہ اقتدار میں عوام کی خدمت کی اور پاکستان کوترقی سے ہمکنار کروایا جبکہ نواز شریف نے اقتدار میں آکر ملک کو لوٹا اور منی لانڈرنگ کر کے اپنے اثاثے بنائے۔

ان کا کہنا تھا کہ(ن) لیگ کی نااہل قیادت اور کمیشن، کک بیک مافیا نے ملک کی بنیادیں ہلا کر رکھ دیں، سیسیلین مافیا کے دن گنے جا چکے،چوروں کو اب چھپنے کی جگہ نہیں ملے گی۔

پی ٹی آئی رہنما فرخ حبیب نے مزید کہا کہ انتخابات میں عوام اس کرپٹ ٹولے کو شکستِ فاش دے کر ملک کو نجات حاصل کروائیں گے۔