وزیر اعظم شہباز شریف اور جمیعتِ علماءِ اسلام (جے یو آئی ف) کے سربراہ مولانا فضل الرحمان نے آئندہ عام انتخابات الگ الگ پلیٹ فارم سے لڑنے کا فیصلہ کیا ہے۔
تفصیلات کے مطابق گزشتہ روز وزیر اعظم شہباز شریف اور پی ڈی ایم کے سربراہ مولانا فضل الرحمان کی ہوئی جس کی اندرونی کہانی سامنے آگئی ہے۔
اس حوالے سے ذرائع نے بتایا کہ ملاقات کے دوران قائد ن لیگ نواز شریف سے بھی رابطہ کیا گیا اور موجودہ ملکی سیاسی صورتحال پر تفصیلی گفتگو ہوئی۔
ذرائع کے مطابق ملاقات میں عمران خان کے خلاف مقدمات اور عدالتی کارروائی پر بھی غور کیا گیا اور ان پر سیاسی دباؤ جاری رکھنے پر بھی اتفاق ہوا۔
ن لیگ کے ذرائع نے بتایا کہ ملاقات میں آئندہ عام انتخابات الگ الگ پلیٹ فارم سے لڑنے کا فیصلہ کیا گیا تاہم پی ڈی ایم برقرار رہے گی اسے انتخابی اتحاد نہیں بنایا جائے گا۔
یہ بھی پڑھیں: وزیرِ اعظم شہباز شریف مولانا فضل الرحمان کے گھر پہنچ گئے
ذرائع کا کہنا ہے کہ ملاقات میں اتفاق کیا گیا کہ جے یو آئی ف اور ن لیگ جہاں ضروری ہوا ایک دوسرے سے تعاون کریں گے۔
ذرائع کے مطابق مولانا فضل الرحمان نے ملاقات میں گفتگو کرتے ہوئے کہا کہ پی ڈی ایم میں شامل تمام جماعتیں الگ الگ الیکشن لڑنے میں آزاد ہیں۔
ملاقات کے دوران نواز شریف اور فضل الرحمان نے مہنگائی میں کمی پر اصرار کیا اس دوران مولانا فضل الرحمان نے کہا کہ عام انتخابات میں جانے سے قبل عوام کو ریلیف دینا ہوگا۔
واضح رہے کہ گزشتہ روز وزیرِ اعظم شہباز شریف سربراہ جمیعتِ علماءِ اسلام مولانا فضل الرحمان کی عیادت کیلئے انکی رہائش گاہ پر پہنچ گئے جہاں وزیرِ اعظم نے مولانا فضل الرحمان کی خیریت دریافت کی، جلد صحت یابی کی دعا کی اور ان کیلئے نیک خواہشات کا اظہار کیا۔
اس موقع پر وفاقی وزیرِ مواصلات مولانا اسعد محمود اور مولانا لطف الرحمان بھی موجود تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News