سندھ ضمنی بلدیاتی انتخابات: پیپلز پارٹی 39 نشستوں کے ساتھ سب سے آگے

عقیل احمد

27th Mar, 2023. 10:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ ضمنی بلدیاتی انتخابات: پیپلز پارٹی 39 نشستوں کے ساتھ سب سے آگے

سندھ کے 15 اضلاع کی 59 نشستوں پر ضمنی بلدیاتی انتخابات میں پیپلز پارٹی نے 39 نشستوں کے ساتھ میدان مارلیا۔

تفصیلات کے مطابق الیکشن کمیشن کو سندھ کے 15 اضلاع میں 59 نشستوں پر بلدیاتی انتخابات کے دوبارہ ووٹنگ کے نتائج موصول ہوگئے۔

الیکشن کمیشن کی جانب سے جاری بیان میں کہا گیا ہے کہ 26 مارچ کو مجموعی طور پر 59 نشستوں کے لیے پولنگ ہوئی جس میں پیپلز پارٹی کے امیدوار 39 نشستوں پر کامیاب قرار پائے۔

الیکشن کمیشن کا کہنا ہے کہ جی ڈی اے کے امیدوار 6 نشستوں پر کامیاب قرار ہوئے، پی ٹی آئی کے امیدوار 2 نشستوں پر جبکہ جے یو آئی اور ایم کیو ایم پاکستان کے امیدوار ایک ایک نشستوں پر کامیاب ہوئے۔

الیکشن کمیشن کا کہنا ہے پیپلز پارٹی کے امیدواروں نے چیئرمین/ وائس چیئرمین کی 10 نشستوں پر کامیابی حاصل کی۔ پیپلز پارٹی کے امیدواروں نے جنرل ممبر کی 22، ممبر ڈسٹرکٹ کونسل کی 7 نشستوں پر کامیابی حاصل کی۔

الیکشن کمیشن کا مزید کہنا ہے کہ جی ڈی اے کے 2،2 امیدوار چیئرمین، جنرل ممبر اور ممبر ڈسٹرکٹ کونسل کی نشستوں پر کامیاب ہوئے۔