سابق وزیراعظم اور پاکستان تحریک انصاف کے چیئرمین عمران خان نے کہا ہے کہ مجھے راستے سے ہٹانے کیلئے ہر حربہ استعمال کیا جارہا ہے۔
تفصیلات کے مطابق عوام سے خطاب کے دوران اپنے قتل کی سازش کو بےنقاب کرتے ہوئے چیئرمین پی ٹی آئی کا کہنا تھا کہ ہفتے کو عدالت میں پیش ہوا تو بشریٰ بی بی کو خدا حافظ کہہ کر گیا تھا۔
انہوں نے بتایا کہ ہفتے کے دن پیشی کے لئے نکلا تو مجھے علم تھا کہ یا تو میں جیل میں جاؤنگا یا تو مجھے قتل کردیا جائیگا لیکن چونکہ میں نے فیصلہ کیا تھا کہ یہ نہ کوئی کہے کہ عمران خان عدالت میں پیش ہونے سے ڈرتا ہے، اپنے وعدے کی تکمیل کے لئے میں وہاں گیا تھا۔
انہوں نے کہا کہ اس فاشسٹ حکومت نے میرے ساتھ جو کیا وہ پہلے کبھی نہیں ہوا، عدالت میں پیشی کے دوران رکاوٹیں کھڑی کی گئیں، آنسو گیس کی شیلنگ ، پتھراؤ بھی کیا گیا۔
انہوں نے مزید کہا کہ جوڈیشل کمپلیکس کے باہر 40 منٹ تک کھڑا رہا جس دوران جوڈیشل کمپلیکس کے باہر پولیس نے شیلنگ، پتھراؤ کیا اور عدالت کے باہر نامعلوم افراد بھی کھڑے تھے ۔
عمران خان نے بتایا کہ جوڈیشل کمپلیکس میں ہمارے وکلاء پر بھی تشدد کیا گیا جس پر چیف جسٹس سے گزارش ہےکہ اس معاملے کا نوٹس لیں۔
ان کا کہنا تھا کہ ایسے حالات پہلے کبھی نہیں دیکھے کہ عدالت پیشی کے بعد آنے پرمزید مقدمات درج ہوجاتے ہیں لیکن میں نے ایسا کیا کیا ہے کہ دہشتگردی کے مقدمات درج ہورہے ہیں۔
انہوں نے عوام کو بتایا کہ انہیں راستے سے ہٹانے کیلئے ہر حربہ استعمال کیا جارہا ہے اور قتل کرنے کی منصوبہ بندی بھی کی جارہی ہے لیکن مجھے موت کا کوئی خوف نہیں ہے اور نہ میں بیگز اٹھاکر ملک سے جانے والا ہوں۔
انہوں نے بتایا کہ یہ مینار پاکستان پر جلسہ کرنے نہیں دے رہے ہیں کیونکہ انکو پتا ہے کہ ریکارڈ لوگ آئیں گے اور ان کا مفاد مجھے مارنے میں ہیں، ہوش کریں یہ جو حرکتیں کررہے ہیں ملک کو تباہی کی طرف لیکر جارہے ہیں۔
انہوں نے کہا کہ اگر قوم کا دیوالیہ نکلے گا توقومی سلامتی کو بھی خطرہ ہوگا، چیف جسٹس کو کہتا ہوں جوڈیشل کمپلیکس میں جو ہوا وہ مارنے کی سازش تھی اور اگر ایسا ہواتو کون ذمے دار ہوگا۔
اس موقع پر عمران خان نے درخواست کی کہ ان کی پیشی ویڈیو لنک کے ذریعے کروائی جائے ۔
ان کا کہنا تھا کہ تحریک انصاف کا کارکنان ملک میں انتشار نہیں الیکشن چاہتے ہیں، کراچی میں بھی یہی کیا گیا کہ نفرت پھیلائی گئیں جبھی وہ تباہ ہوگیا۔
انہوں نے کہا کہ پی ڈی ایم کی سازش ہے تحریک انصاف اور فوج کو آمنے سامنے کردو جبکہ یہ فوج بھی میری ہے اور ملک بھی میرا ہے لیکن یہ پوری کوشش کررہے ہیں کہ فوج کو ہمارے خلاف ورغلائیں۔
چیئرمین پی ٹی آئی کا کہنا تھا کہ جھوٹوں کی ملکہ کہتی ہیں ہم انتشار پھیلا رہے ہیں کیونکہ یہ چاہتے ہیں کسی طرح الیکشن سے بھاگیں اور جو الیکشن چاہے گا وہ کیوں انتشار پھیلائے گا۔
انہوں نے کہا کہ یہ لوگوں میں انتشار پھیلانے کی کوشش کررہے ہیں اور میں بار بار لوگوں کو کہتا ہوں کہ پُر امن رہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News