اسلام آباد میں بلدیاتی انتخابات؛ الیکشن کمیشن کا وفاقی حکومت سے رابطہ کرنے کا فیصلہ

عقیل احمد

10th Jul, 2023. 01:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد میں بلدیاتی انتخابات؛ الیکشن کمیشن کا وفاقی حکومت سے رابطہ کرنے کا فیصلہ

الیکشن کمیشن آف پاکستان (ای سی پی) کی جانب سے اسلام آباد میں بلدیاتی انتخابات سے متعلق وفاقی حکومت سے رابطہ کرنے کا فیصلہ کیا گیا ہے۔

تفصیلات کے مطابق چیف الیکشن کمشنر سکندر سلطان راجہ کی زیر صدارت اسلام آباد اور پنجاب میں بلدیاتی انتخابات سے متعلق اجلاس ہوا جس میں اسلام آباد کے بلدیاتی انتخابات کے انتظامات اور فوری انعقاد کے معاملات پر غور کیا گیا۔

اجلاس میں صوبہ پنجاب کے بلدیاتی انتخابات کے حوالے سے انتظامات اور انتخابات کے فوری انعقاد کے معاملے بھی زیر بحث آئے۔

اسلام آباد انتظامیہ کی اعلیٰ حکام نے اجلاس کے دوران الیکشن کمیشن کو بریفنگ دی جبکہ صوبائی الیکشن کمشنر نے پنجاب میں بلدیاتی انتخابات کی تیاریوں پر بریفنگ دی۔

یہ بھی پڑھیں: عام انتخابات سے قبل الیکشن کمیشن میں بڑی تبدیلی

الیکشن کمیشن کی جانب سے پنجاب اور اسلام آباد میں بلدیاتی انتخابات کی تیاریوں پر اعتماد کا اظہار کیا گیا اور اسلام آباد میں بلدیاتی انتخابات سے متعلق وفاقی حکومت سے رابطہ کرنے کا فیصلہ کیا گیا۔

اجلاس میں ممبران الیکشن کمیشن، صوبائی الیکشن کمشنرز اور دیگر متعلقہ اداروں کے حکام شریک ہوئے جبکہ صوبائی الیکشن کمشنر پنجاب نے ویڈیو لنک کے ذریعے شرکت کی۔