حکومت سندھ نے کپاس کے کاشتکاروں سے سرکاری نرخ پر کپاس نہ خریدنے والے کاٹن فیکٹری مالکان کے خلاف کریک ڈاؤن شروع کردیا۔
مشیر زراعت منظوروسان کی ہدایت پر کاشتکاروں سے سرکاری ریٹ پر کپاس نہ خریدنےو الی 10 سے زائد کاٹن فیکٹریاں اور دکانیں سیل کردی گئی ہیں جبکہ فیکٹری مالکان پر 1 لاکھ سے زائد جرمانہ کیا گیا اور 20 کووارننگ دی گئی۔
محکمہ زراعت سندھ کے ترجمان کے مطابق کسانوں کو کپاس کے سرکاری نرخ ادا نہ کرنے پر عدالت نے کھپرو کے ڈیلر کے گرفتاری وارنٹ بھی جاری کیے ہیں جبکہ حیدرآباد، جامشورو، سانگھڑ، شہید بینظیر آباد،مٹیاری، ٹنڈوالہ یار اور دیگر شہروں میں کارروائیاں کی ہیں۔
ڈائریکٹر جنرل زراعت ایکسٹینشن ونگ حیدرآباد کے دفتر میں شکایتی سیل بھی قائم کردیا گیا ہے،جہاں پر کسان اپنی شکایات درج کروا سکتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News