وفاقی حکومت نے نجکاری کمیشن کا نیا بورڈ تشکیل دینے کا فیصلہ کرلیا ہے۔

ذرائع کے مطابق وفاقی کابینہ نے نجکاری کمیشن بورڈ ممبران کو ہٹانے کی منظوری دے دی ہے، تاہم سرکولیشن سمری پر کابینہ سے منظوری لے لی گئی ہے۔

ذرائع نے بتایا کہ نجکاری کمیشن سے ہٹانے والے بورڈ ممبران میں ظفر اقبال سبانی، ارسلا خان ہوتی، ظفر اقبال ایف سی اے، خرم شہزاد شامل ہیں۔

اس کے علاوہ عترت حسین رضوی، میمن عبد الجبار، اشفاق تولہ اور یاور عرفان بھی ہٹانے والے بورڈ ممبران میں شامل ہیں۔

واضح رہے کہ نجکاری بورڈ ممبران سابقہ لیگی، پی ٹی آئی اور موجودہ حکومت میں تعینات رہے جبکہ نجکاری بورڈ ممبران کو 2013، 2014 اور 2015 میں تعینات کیا گیا تھا۔

ظفر اقبال سبانی، ارسلاخان ہوتی 2013 اور ظفر اقبال ایف سی اے، خرم شہزاد 2014 میں نجکاری کمیشن بورڈ ممبرز تعینات کے گئے جبکہ عترت حسین رضوی، میمن عبد الجبار، اشفاق تولہ، یاورعرفان 2015 میں بورڈ ممبران تعینات ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں