میئر کراچی مرتضیٰ وہاب نے کہا ہے کہ ریاست کے علاوہ عوام کو خود بھی کچھ کرنا چاہیئے۔
تفصیلات کے مطابق میئر کراچی مرتضیٰ وہاب نے نشتر پارک میں میڈیا سے گفتگو کرتے ہوئے کہا کہ ہم تاریخی نشتر پارک میں حاضر ہوئے ہیں، ہم کہتے ہیں ریاست کے علاوہ لوگوں کو خود بھی کچھ کرنا چاہیئے، میں جب ایڈمنسٹریٹر تھا تب میں نے ان سے گذارش کی تھی کہ اپنی مدد آپ کے تحت بھی کچھ کریں، آج میئرکی حیثیت سے دیکھ کرخوشی ہوئی ہے، سوسے زائد کیمرے نصب کئے گئے ہیں، دعاہے کہ پروردگار ہم سب کومحفوظ رکھے۔
مرتضیٰ وہاب نے کہا کہ ہراچھے کام میں کراچی انتظامیہ عوام کے ساتھ ہیں، سلمان میرا بھائی ہے ہمارے درمیان کوئی جھگڑا نہیں ہوا ہے۔
میئر کراچی مرتضیٰ وہاب نے مزید کہا کہ صفائی ستھرائی، سیوریج اور دیگر مسائل امن وامان پہلی ترجیح ہیں، تمام کام بہتر اندازمیں سرانجام دیئے جائیں گے اور گلشن حدید واقعے پر قانون کے مطابق کارروائی ہوگی۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News