وزیر اعظم کی معاون خصوصی برائے انسانی حقوق مشعال ملک نے کہا ہے کہ ہماری گورنمنٹ مسئلہ کشمیر کو حل کروانے کیلئے پر عزم ہے۔
تفصیلات کے مطابق ویمن چیمبر آف کامرس کے وفد نے پریزیڈنٹ روبینہ امجد کی قیادت میں وزیر اعظم کی معاون خصوصی برائے انسانی حقوق مشعال ملک سے ملاقات کی جس میں کشمیریوں سے اظہار یک جہتی اور ویمن ایمپاورمنٹ کے حوالے سے لائحہ عمل پر تبادلہ خیال کیا گیا۔
وفد میں سینئر وائس پریزیڈنٹ تصغیرہ تجمل اور شاہد بلوچ شامل تھے۔
ملاقات میں کشمیری بہن بھائیوں سے اظہار یک جہتی اور ان کی آزادی کی پر امن تحریک پر خراج تحسین پیش کیا گیا اور خواتین کی ایمپاورمنٹ کے حوالے سے مل کر کام کرنے کا عزم کیا گیا۔
وزیر اعظم کی معاون خصوصی برائے انسانی حقوق مشعال ملک کا کہنا تھا کہ ہماری گورنمنٹ کشمیرکے ایشو کو یو این کی قراردادوں کے مطابق حل کروانے کے لیے پر عزم ہے اور اس کے لیےہر فورم پر بھرپور آواز اٹھا رہی ہے۔
وزیر اعظم کی معاون خصوصی برائے انسانی حقوق مشعال ملک کا مزید کہنا تھا کہ خواتین کی ایمپاورمنٹ کے لیے قوانین بنائے گئے ہیں تاکہ خواتین زیادہ پر اعتماد طریقے سے اپنے کام کو آگے بڑھا سکیں۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News