پاکستان تحریک انصاف کے رہنما علی محمد خان نے عثمان ڈار اور صداقت عباسی کے بیانات پر ردعمل دیا ہے۔
تفصیلات کے مطابق پاکستان تحریک انصاف کے رہنما علی محمد خان نے نجی ٹی وی کے پروگرام میں گفتگو کرتے ہوئے کہا کہ عثمان ڈار اور صداقت عباسی کے بیانات کی آزادی پر سوالیہ نشان ہے کہ انہوں نے کتنی آزادی سے یہ بیانات دیے۔
انہوں نے کہا کہ چیئرمین پی ٹی آئی نے ایسے کسی قسم کے واقعات کا کبھی نہیں کہا، جنہوں نے یہ کیا بہت غلط کیا ہے، جو بھی لوگ 9 مئی کے واقعات میں ملوث ہیں انہیں آئین وقانون کے تحت سزا ملنی چاہیے۔ ریاست جہاں سزا دیتی ہے وہاں موقع بھی دیتی ہے۔
علی محمد خان نے کہا کہ مجھے 9 مئی کے حوالے سے کسی میٹنگ کا علم نہیں، ایک واقعہ ہوا جس کا سب کو افسوس ہے۔
پاکستان تحریک انصاف کے رہنما نے کہا کہ چیئرمین پی ٹی آئی نا ہوں تو کیا ہوگا اس حوالے سے نہیں سوچا، وکلا کہتے ہیں سہولیات نہیں مل رہیں، ملاقات میں بھی مشکلات کا سامنا کرنا پڑ رہا ہے۔
علی محمد خان نے کہا کہ میاں صاحب پر اگر غلط کیسز بنے تو اس کی بھی سپورٹ نہیں کرتا۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News