پاکستان کاٹن جنرز ایسوسی ایشن کے مطابق ملک میں کپاس کی پیداوار میں 71 فیصد کا اضافہ ریکارڈ کیا گیا ہے۔

تفصیلات کے مطابق پنجاب کی جننگ فیکٹریوں میں 30 ستمبر تک 20 لاکھ  69 ہزار روئی کی گانٹھوں کے مساوی پھٹی پہنچی ہے جو گذشتہ سال کے اسی عرصے کے مقابلے میں 34 فیصد زائد ہے۔

رپورٹ کے مطابق زیرتبصرہ مدت کے دوران ٹیکسٹائل ملوں نے جننگ فیکٹریوں سے 41 لاکھ 76 ہزار گانٹھوں کی خریداری کی ہے جبکہ ایک غیر ملکی فرم نے اسی عرصے کے دوران 22 لاکھ 48 ہزار گانٹھیں خریدی ہیں، فی الوقت ملک بھر میں 663 جننگ فیکٹریاں فعال ہیں۔

وزیر تجارت گوہر اعجاز نے کہا کہ پنجاب میں 21 لاکھ گانٹھوں کی پیداوار سے 34  فیصد سالانہ اضافہ ہوا جبکہ سندھ میں 30 لاکھ گانٹھوں کی پیداوار سے ریکارڈ 113 فیصد سالانہ اضافہ ہوا ہے۔

گوہر اعجاز نے مزید کہا کہ کاشتکاروں کی محنت کو سراہتے ہیں 50 لاکھ گانٹھوں کی پیداوار بڑا اضافہ ہے اور رواں سال کپاس کی پیداوار 1 کروڑ 20 لاکھ گانٹھوں تک متوقع ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں