راولپنڈی: نگران وزیر اعظم کی مشیر برائے انسانی حقوق مشعال ملک نے کہا ہے کہ بھارت اور اسرائیل کی دہشت گردی دنیا بھر میں پھیل رہی ہے۔

مشعال ملک نے راولپنڈی چیمبر میں میڈیا سے گفتگو کرتے ہوئے کہا کہ گزشتہ 12 دن سے فلسطین پر قیامت ٹوٹی ہوئی ہے، ہر کوئی خون کے آنسو رو رہا ہے، روزانہ کے بنیاد پرستی بچے اسرائیلی فوج قتل کر رہی ہے، ہر 15 منٹ بعد ایک فلسطینی بچے کو شہید کر رہی ہے۔

انہوں نے کہا کہ 12 روز سے فلسطینی کھانے پینے کی اشیاء، ادویات، پانی کی ترسیل سے محروم ہیں، وائٹ فاسفورس کا استعمال کرکے فلسطینی عوام کی پراپرٹی کو تباہ کیا جا رہا ہے۔

انکا کہنا تھا کہ دنیا اسرائیل پر معاشی اور دفاعی پابندی لگائے، اسرائیل اور بھارت جو کرتے ہیں وہ دنیا میں کبھی نہیں دیکھا، فلسطین اور کشمیر کھلی جیل ہیں، سب سے زیادہ جینوسائیڈ فلسطین میں ہو رہا ہے۔

نگران وزیر اعظم کی مشیر نے کہا کہ اسرائیلی افواج ہر جنگ میں فلسطینی بچوں کو قتل کرنے کے واقعات بڑھا رہی ہے، فلسطین میں 5 سے 6 ہزار لوگ شہید کیے جا چکے ہیں۔

مشعال ملک نے کہا کہ اسرائیلی بربریت کے دنیا پر بڑے اثرات آنے ہیں، پیٹرولیم مصنوعات کی قیمتوں پر بھی اثرات آئیں گے، اسرائیل نے ایک نئی مثال قائم کی کہ وہ جو مرضی کریں دنیا انھیں کچھ نہیں کہہ سکتی اور نہ روک سکتی ہے۔ دنیا سے کوئی مضبوط و توانا آواز نہیں آ رہی جو اسرائیل کو روک سکے، دنیا میں کوئی بھی نہیں جو اسرائیل کو جنگی جرائم سے روک سکے؟

انہوں نے کہا کہ غذا کے اطراف کی سرحدوں کو کھولا جائے اور عالمی مبصرین کو وہاں تک جانے کی اجازت دی جائے، پاکستانی عوام فلسطینیوں کشمیری عوام کے ساتھ ہیں، فلسطین میں فوری طور پر جنگ بندی ہونی چاہیے۔ نیتن یاہو، مودی کا نیکسس ایکسپوز ہو رہا ہے۔

انکا کہنا تھا کہ فلسطینی عوام کو کہا جا رہا ہے یہاں سے نکل جائیں، فلسطینی عوام کیوں اپنی جگہ چھوڑیں، افغانستان میں ایک سال میں جو کیا گیا فلسطین میں کارپٹ بمبنگ کرکے دو دن میں اتنا نقصان کر دیا گیا۔

نگران وزیر اعظم کی مشیر نے کہا کہ ہندواتا کے ذریعے دہشتگردی پھیلائی جا رہی ہے، جنیوا معاہدے کی خلاف ورزیاں جاری ہیں، مذمت کافی نہیں، امن افواج کہاں ہیں؟ دنیا میں مذہبی ہم آہنگی کے قائدین کو آگے بڑھ کر کردار ادا کرنا چاہیے، فلسطین جنگ کو روکنے کے لئے دنیا بھر سے آواز آئی چاہیے۔

مشعال ملک نے مزید کہا کہ فلسطین جنگ نہ رکی تو عالمی معیشت تباہ ہونے کے خدشات موجود ہیں، اسرائیل کی دہشتگردی دنیا بھر میں پھیل رہی ہے، پاکستان ہمیشہ فلسطینی عوام کے ساتھ ہے، یہ معاملہ رکنے والا نہیں ہے۔

واضح رہے کہ اسرئیلی فوج کی بمباری سے غزہ میں گزشتہ 24 گھنٹوں کے دوران 400 سے زائد فلسطینی شہید ہوگئے جس کے بعد شہید فلسطینیوں کی تعداد 3800 تک پہنچ گئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔