ذرائع محکمہ داخلہ نے کہا ہے کہ عام انتخابات 2024 میں امن و امان کی صورتحال کے پیش نظر پاک آرمی اور رینجرز فلیگ مارچ کرے گی۔
محکمہ داخلہ کے ذرائع کے مطابق عام انتخابات میں امن وامان کی صورتحال کے پیش نظر پاک آرمی اور رینجرز کے تازہ دم دستے صوبہ بھر میں فلیگ مارچ کریں گے۔
ذرائع نے بتایا ہے کہ رینجرز اور پاک آرمی کے جوان 5 فروری کو مختلف شہریوں میں فلیگ مارچ کریں گے، تاہم پاک آرمی رینجرز کے دستے بطور کوئیک رسپانس فورس صوبہ بھر میں تعینات رہیں گے۔
ذرائع محکمہ داخلہ کا کہنا ہے کہ الیکشن سے متعلق قوانین اور ضابطہ اخلاق کی مکمل پاسداری کو ممکن بنایا جائے گا اور ضابطہ اخلاق کی خلاف ورزی کرنے والے عناصر کے خلاف سخت کارروائی بھی ہوگی۔
محکمہ داخلہ کے ذرائع نے مزید کہا کہ پاک فوج پولنگ کے دوران محفوظ ماحول کی فراہمی کے لئے تعاون کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News