فری آئی ٹی کورس کرنیوالے نوجوانوں کے لیے اچھی خبر

ویب ڈیسک

15th Apr, 2024. 06:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فری آئی ٹی کورس کرنیوالے نوجوانوں کے لیے اچھی خبر

فری آئی ٹی کورس کرنیوالے نوجوانوں کے لیے اچھی خبر آگئی ہے۔

گورنر سندھ کامران ٹیسوری کا کہنا ہے کہ حیدرآباد کے شہری انفارمیشن ٹیکنالوجی کے جدید کورسز مفت کریں، حیدرآباد کے نوجوان کلاوڈ اپلائیڈ جنریٹیو آرٹیفیشل انٹیلی جنس انجینئر بنیں۔

انہوں نے کہا کہ نوجوانوں کو جدید تعلیم سے لیس کرنا چاہتا ہوں، فری آئی ٹی کورسز میں داخلہ لیں، اپنا اور ملک کا مستقبل روشن کریں، کورس کرنیوالوں کو جنریٹیو اے آئی انجینئرنگ کے سرٹیفکیٹ دیں گے۔

کامران ٹیسوری کا کہنا ہے کہ داخلہ ٹیسٹ میں کامیاب ہر امیدوار کو مفت آئی ٹی کورس کرائیں گے، جنریٹیو اے آئی انجینئر 15 سے 20 لاکھ روپے ماہانہ کما سکیں گے۔

گورنر سندھ کا کہنا ہے کہ کراچی میں کورس کرنیوالے تیسرے ماہ سے 200 سے 500 ڈالر کما رہے ہیں، کوشش ہے آرٹیفیشل انٹیلی جنس کے دور میں قوم کسی سے پیچھے نہ رہ جائے، قوم کی توجہ انفارمشین ٹیکنالوجی کی جانب مبذول کرانے کی کوشش جاری رہے گی۔