خیبرپختونخوا میں بارش نے تباہی مچادی ہے، گزشتہ چار روز میں 21 افراد جاں بحق اور 32 زخمی ہوگئے جبکہ 330 مکانات کو نقصان پہنچا۔
پراونشل ڈیزاسٹر مینجمنٹ اتھارٹی (پی ڈی ایم اے) نے خیبرپختونخوا میں گزشتہ چار روز سے جاری بارش سے ہونے والے نقصانات کی رپورٹ جاری کردی۔
رپورٹ کے مطابق بارش کے باعث لینڈ سلائیڈنگ، چھتیں گرنے اور سیلاب سے مختلف حادثات میں 21 افراد لقمہ اجل بن چکے ہیں جبکہ 32 افراد زخمی ہوچکے ہیں، تاہم جاں بحق ہونے والوں میں 9 بچے اور 3 خواتین بھی شامل ہیں۔
رپورٹ میں بتایا گیا کہ مجموعی طور پر 330 مکانات کو نقصان پہنچا جس میں 53 مکمل تباہ ہوئے جبکہ مختلف حادثات میں 95 مویشی بھی ہلاک ہوچکے ہیں۔
واقعات خیبر، دیر، مہمند، باجوڑ، چترال، سوات، کرک، ٹانک، پشاور، چارسدہ، مردان، کوہاٹ، ہنگو، بٹگرام، شانگلہ، وزیرستان، بنوں، بونیر اور مانسہرہ میں پیش آئے۔
پی ڈی ایم اے کے مطابق بارش اور سیلاب متاثرین میں امدادی سامان کی تقسیم کا سلسلہ جاری ہے، متاثرین کو ٹینٹس، کمبل، کچن سیٹ سمیت مختلف امدادی سامان تقسیم کیا جارہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News