کراچی: سندھ حکومت کے ترجمان مرتضیٰ وہاب کراچی میں ہونے والی بارش کے بعد صورتحال کا جائزہ لینے کے لیے شہر کے دورے پر نکل پڑے۔
میئر کراچی مرتضیٰ وہاب نے کراچی کے مختلف علاقوں کا جائزہ لیا اور اس دوران تمام عملے کو ہائی الرٹ رہنے کا بھی کہہ دیا۔
مرتضیٰ وہاب کا کہنا تھا کہ میں وقفہ وقفہ سے شہر کے مختلف مقامات پر دورہ کرتا رہوں گا، کسی قسم کی کوئی کوتاہی برداشت نہیں کی جائے گی۔
انہوں نے مزید کہا کہ واٹر کارپوریشن، سولڈ ویسٹ اور ٹاؤن انتطامیہ بھی متحرک ہو جائے۔
بارشوں کے پیش نظر صوبے کے تمام تمام بلدیاتی اداروں، انتظامیہ اور اسپتالوں کو ہائی الرٹ کردیا۔
ہائی الرٹ جاری
دوسری جانب چیف سیکریٹری سندھ آصف حیدر شاہ نے بارشوں کے پیش نظر تمام متعلقہ اداروں کو ہائی الرٹ رہنے کا حکم دے دیا اور کہا کہ تمام کمشنر اور ڈپٹی کمشنر اہم شاہراہوں، نشیبی علاقوں سے بارش کے پانی کی نکاسی کو یقینی بنائیں۔
چیف سیکریٹری سندھ نے واٹر بورڈ، کراچی الیکٹرک، واسا اور کنٹونمنٹس کو کسی بھی ہنگامی صورتحال سے نمٹنے کے لیے تیار رہنے کی بھی ہدایت کردی اور شہر کے اہم شاہراہوں پر ڈی واٹر ٹینکر پمپ لگائے جائیں۔
انہوں نے مزید کہا کہ تمام اضلاع بروقت انتظامات مکمل کریں اور کسی بھی صورتحال سے نمٹنے کے لیے تیار رہیں۔
واضح رہے کہ کراچی کے مختلف علاقوں میں بادلوں کی شدید گرج چمک کے ساتھ وقفے وقفے سے ہلکی بارش کا سلسلہ جاری ہے۔
شہر بھر میں آج شام تک وقفے وقفے سے ہلکی بارش کا سلسلہ جاری رہے گا جبکہ چند مقامات پر تیز بارش کا بھی امکان ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News