علیم ڈار نے ایک اور اعزاز اپنے نام کرلیا

محمد طیب

15th Aug, 2019. 02:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

علیم ڈار نے ایک اور اعزاز اپنے نام کرلیا

پاکستان کے عالمی شہرت یافتہ امپائر علیم ڈار نے سب سے زیادہ ٹیسٹ میچز سپروائز کرنے کا ویسٹ انڈین امپائر اسٹیو بکنر کا 128 ٹیسٹ میچز سپروائز کرنے کا عالمی ریکارڈ برابر کردیا۔

علیم ڈار نے یہ اعزاز لارڈز میں انگلینڈ اور آسٹریلیا کے درمیان دوسرے ٹیسٹ میں اپنے نام کیا۔

علیم خان نے اپنے بیان میں کہا کہ اسٹیو بکنر میرے رول ماڈل ہیں، ان کے ٹیسٹ میچز کے ریکارڈ کو برابر کرنا میرے لیے بہت اعزاز کی بات ہے۔

علیم ڈار کا کہنا تھا کہ اپنی فیملی اور دوستوں کا شکریہ ادا کرتا ہوں جن کی سپورٹ کی بدولت ہی یہ کارنامہ انجام دینے کے قابل ہوا ۔

206 ایک روزہ اور 43 ٹی ٹوئنٹی میچوں میں امپائرنگ کرنے والے علیم ڈار نے پی سی بی اور اپنے کلب پی اینڈ ٹی جم خانہ کا بھی شکریہ ادا کیا۔

2015 کے عالمی کپ کے 2 میچوں میں ان کے 2 فیصلے تنقید کی زد میں آئے تھے جس کے بعد وہ سیمی فائنل اور فائنل میں امپائرنگ نہ کرسکے تھے تاہم مجموعی طور پر علیم ڈار کا امپائرنگ کیریئر بہت شاندار رہا ہے.