سرفراز احمد کی آج صبح پی سی بی کے چیف ایگزیکٹیو آفیسر وسیم خان سے ملاقات ہوئی۔

ملاقات میں انہوں نے سرفراز احمد کو کپتانی سے سبکدوش ہونے کی پیشکش کی جس پر سرفراز احمد نے وسیم خان کی پیشکش قبول کرنے سے انکار کیا اور کہا کہ انہیں ڈراپ کر دیا جائے۔

 سرفراز کے انکار پر پی سی بی چیف ایگزیکٹیو آفیسر وسیم خان نے انہیں اسکواڈ سے بھی ڈراپ کر دیا۔

کپتانی سے ہٹائے جانے کے بعد سرفراز احمد  نے  بابر اعظم اور اظہر علی کیلئے نیک تمناوں کا اظہار کیا اور کہا کہ ‏پاکستان کی قیادت کرنا اعزاز کی بات تھی۔

دوسری جانب  سرفراز کو کپتانی سے ہٹانے کے فوری بعد پی سی بی  نے  متنازع ٹوئیٹ کیا، اس ویڈیو کی قابل اعتراض بات یہ تھی کہ ویڈیو  میں سرفراز  کو بظاہر گراؤنڈ سے باہر نکلنے کا اشارہ کرکے جشن  منارہے تھے جس پرشائقین کرکٹ  کی شدید تنقید کے بعد پی سی بی نے ٹوئیٹ ڈیلیٹ کرتے ہوئے وضاحتی بیان جاری کیا۔

@TheRealPCB celebrations right at the very moment when @SarfarazA_54 was being sacked, how ironically this tweet was curated as per the situation by the board itself and PCB recently banned a reporter for calling out Saffy “badduaein dey rahey hai log” indeed a food for thought. https://t.co/rJCuYHOGRe pic.twitter.com/DcpHIdZE3d

— Sawera Pasha (@sawerapasha) October 18, 2019

واضح رہے کہ پاکستان کرکٹ بورڈ نے سرفراز احمد کو تینوں فارمیٹ کی کپتانی سے ہٹا دیا ہے اظہر علی ایک بار پھر ٹیسٹ فارمیٹ کے کپتان مقرر کئے گئے ہیں جب کہ بابراعظم کو ٹی ٹوئنٹی کی کپتانی سونپی گئی ہے ذرائع کا کہنا ہے کہ بابر اعظم پر بڑی ذمہ داری آگئی ہے اس سے انکی بیٹنگ کی ساکھ متاثر ہو سکتی ہے۔