پی ایس ایل کی ٹیم کوئٹہ گلیڈی ایٹرزکے مالک ندیم عمر کا کہنا ہے کہ کوئٹہ گلیڈی ایٹرز ہر ٹیم کو چیلنج سمجھ کر اس کا سامنا کرے گی۔
تفصیلات کے مطابق کوئٹہ گلیڈی ایٹرز کے مالک ندیم عمر نے میڈیاسےگفتگو کے دوران اپنی ٹیم کی پاکستان سپر لیگ میں تیاری سے متعلق کہا ہے کہ اس بار کوئٹہ گلیڈی ایٹرز ہر ٹیم کو چیلنج سمجھ کھیلنے کے لیے بھرپور تیار ہے، کوئی بھی ٹیم ایک دوسرے کو ہلکا نہیں لے سکتی۔
ندیم عمرکا مزید کہناتھا کہ اس دفعہ ساری ٹیمیں بہت اچھی ہیں، پی ایس ایل سے ملک میں نیا ٹیلنٹ ابھر کرسامنے آرہا ہے، کوئٹہ کی جانب سے نیا ٹیلنٹ ابھر کر سامنے آئے گا۔
انہوں نے مزید کہا کہ کوئٹہ گلیڈی ایٹرزکو بھرپور جذبے سے کھیلنا ہوگا، کسی بھی ٹیم کو ہلکا نہیں لینا چاہیے۔
دوسری جانب کوئتہ گلیڈی ایٹرز کوبڑا دھچکہ لگ گیا، پاکستان کرکٹ بورڈ (پی سی بی) نےاینٹی کرپشن کوڈکی دفعہ 4.7.1 کے تحت عمر اکمل کو فوری طورپرمعطل کردیا ہے۔
پی سی بی اینٹی کرپشن یونٹ کی جانب سے جاری تحقیقات مکمل ہونے تک عمراکمل کرکٹ سے متعلق کسی بھی سرگرمی میں حصہ نہیں لے سکتے، فی الحال تحقیقات جاری ہیں لہٰذا پی سی بی اس معاملے پر مزید کوئی بیان جاری نہیں کرے گا۔
اس دوران کوئٹہ گلیڈی ایٹرز کو ایچ بی ایل پی ایس 2020 کے لیے عمر اکمل کے متبادل کا انتخاب کرناہوگا۔
ترجمان کوئٹہ گلیڈی ایٹرزکا کہنا ہے کہ عمراکمل کیس میں پی سی بی کی تحقیقات جاری ہیں، تحقیقات مکمل ہونے تک کچھ نہیں کہہ سکتے، پی سی بی قوانین کے تحت کوئٹہ گلیڈی ایٹرز متبادل کھلاڑی منتخب کرے گا۔
اینٹی کرپشن کوڈ کی دفعہ 4.7.1 کیا ہے؟
اینٹی کرپشن کوڈ کی دفعہ 4.7.1 کے تحت پی سی بی
(ا): یہ طے کرے کہ کسی بھی فریق کو اینٹی کرپشن کوڈ کے تحت چارج کرنا ہے۔
یا
ب): فریق کسی بھی فوجداری جرم میں ملوث ہو جس میں پولیس کی جانب سے گرفتار کیا گیا ہو یا پھر کوئی الزام عائد کیا گیا ہو۔
مندرجہ بالا نکات کے تحت پی سی بی کے پاس یہ صوابدیدی اختیار موجود ہے کہ وہ کھیل کی ساکھ کو مجروح کرنے پر متعلقہ فریق کو اینٹی کرپشن کوڈ کے تحت عبوری طور پر معطل کرسکتا ہے جب تک کہ اینٹی کرپشن ٹربیونل یہ فیصلہ نہ کرلے کہ متعلقہ فریق نے جرم کا ارتکاب کیا ہے یا نہیں۔ عبوری طور پر معطلی سے متعلق کسی بھی فیصلے کی ایک تحریری کاپی متعلقہ فریق ، ایک آئی سی سی اور ایک قومی کرکٹ فیڈریشن کو بھجوائی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News