پاکستان سپر لیگ (پی ایس ایل 2020) کی ٹرافی کی رونمائی نیشنل اسٹیڈیم کراچی  میں کردی گئی۔

تفصیلات کے مطابق نیشنل اسٹیڈیم کراچی میں پی ایس ایل میں شامل فرنچائز مالکان اور کپتانوں کے ہمراہ ٹرافی کی باقاعدہ رونمائی کی گئی ۔

اسکواش کی دنیا میں پاکستان کا نام روشن کرنے والے جہانگیر خان ایونٹ کی ٹرافی تھامے نیشنل اسٹیڈیم کراچی میں داخل ہوئے۔

Intezar ka waqt khatam hua! Here is your first look at the #HBLPSLV trophy! What do you think? #TayyarHo? pic.twitter.com/FY6rP9SOQJ

— PakistanSuperLeague (@thePSLt20) February 19, 2020

جہانگیر خان نے ٹرافی دفاعی چیمپئن کوئٹہ گلیڈی ایٹرز کی ٹیم کے کپتان سرفراز احمد کے حوالے کی۔ سرفراز احمد نے ٹرافی چیئرمین پی سی بی احسان مانی کے حوالے کی۔

پی ایس ایل 2020 کی ٹرافی یو کے کی ایک کمپنی اوٹ وِل سلور اسمٹس  نے تیار کی ہے۔ٹرافی کے اوپر نصب ایک چاند اور سہ جہتی ستارہ پاکستان کی نمائندگی کررہے ہیں۔

پی ایس ایل 2020 کی انعامی رقم ایک ملین امریکی ڈالرزمقرر

پاکستان سپر لیگ کی ٹرافی 65 سینٹی میٹر لمبی اور 8 کلوگرام وزنی ہے۔ چمچماتی ٹرافی کے اردگرد مخصوص رنگ بھی نمایاں ہیں۔

یہاں یہ بات قابل  ذکر ہے کہ پی ایس ایل کے ہر ایڈیشن میں اب یہی ٹرافی استعمال ہوگی۔

پی ایس ایل 2020: ہیڈ کوچز نے اپنے ممکنہ ہتھیاروں کا اعلان کردیا

یاد رہے کہ یہ پہلا موقع ہے کہ جب پاکستان سپر لیگ   کا مکمل  ایونٹ پاکستان میں کھیلا جائے گا۔

چونتیس میچوں پر مشتمل ایونٹ کے 14 میچز قذافی اسٹیڈیم لاہور ، 9 نیشنل اسٹیڈیم کراچی، 8 پنڈی کرکٹ اسٹیڈیم راولپنڈی اور 3 ملتان کرکٹ اسٹیڈیم میں کھیلے جائیں گے۔

پی ایس ایل 2020 کا افتتاحی میچ دفاعی چیمپئن کوئٹہ گلیڈی ایٹرز اور دو مرتبہ کی چیمپئن اسلام آباد یونائیٹڈ کی ٹیموں کے درمیان نیشنل اسٹیڈیم کراچی میں کھیلا جائے گا۔

لیگ کے پانچویں ایڈیشن کا فائنل 22 مارچ کو قذافی اسٹیڈیم لاہور میں ہوگا۔