دورہ انگلینڈ کے لیے بیٹنگ کوچ کی ذمہ داری ملنے پر سابق کپتان یونس خان کا کہنا ہے کہ ایک بار پھر پاکستان کی خدمت کا موقع ملنے سے بہتر کوئی خوشی نہیں ہو سکتی ۔
سماجی رابطے کی ویب سائٹ ٹوئیٹر پر جاری بیان میں یونس خان نے بیٹنگ کوچ کی ذمہ داری دیے جانےپر پاکستان کرکٹ بورڈ( پی سی بی) کا شکریہ ادا کیا۔
یونس خان نے کہا کہ میں پی سی بی کا شکر گزار ہوں جس نے مجھے بطور بیٹنگ کوچ ڈریسنگ روم میں واپسی کا موقع فراہم کیا۔
انہوں نے کہا کہ میں میں اس بات کو یقینی بناؤں گا کہ ان باصلاحیت کھلاڑیوں سے بہترین کارکردگی کا مظاہرہ کرنے میں کوئی کسر باقی نہ رہے۔
AdvertisementNo feeling can match better than the feeling of serving Pakistan again. Thank you @TheRealPCB for honoring me with an opportunity to be back in the dressing room as a batting coach. I will make sure than no stone remains unturned to bring the best out of these talented players. pic.twitter.com/g5ENcvK2eR
— Younus Khan (@YounusK75) June 9, 2020
واضح رہے کہ پی سی بی نے یونس خان کو دورہ انگلینڈ کے لیے بیٹنگ کوچ نامزد کیا ہے۔
یونس خان کا شمار پاکستان کے چند بہترین اور کامیاب ترین کپتانوں میں ہوتا ہے۔ان کی کپتانی میں پاکستان 2009 میں ورلڈ ٹی ٹوئنٹی چیمپئن بنا تھا۔
یونس خان پاکستان کی جانب سے ٹیسٹ کرکٹ میں سب سے زیادہ 10099رنز بنانے والے بلے باز ہیں۔ان کی ٹیسٹ کرکٹ میں سنچریز کی تعداد 34 ہے جس میں 5 ڈبل سنچریز اور ایک ٹرپل سنچری (313) شامل ہے۔
سابق کپتان ٹیسٹ میچ کی چوتھی اننگز میں سب سے زیادہ 5 سنچریز بنانے والے واحد بلے باز ہیں۔
یونس خان ٹیسٹ کھیلنے والے تمام 11 ممالک میں سنچری بنانے والے بھی واحد کھلاڑی ہیں۔
انہوں نے ایک روزہ میچز میں 7249 رنز اسکور کیے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News