دورہ انگلینڈ کے لیے قومی کرکٹ ٹیم کے 29 رکنی اسکواڈ کا اعلان کردیا گیا۔
تفصیلات کے مطابق آئندہ ماہ انگلینڈ کے دورے پر جانے والی قومی کرکٹ ٹیم کے 29 رکنی اسکواڈ کا اعلان کردیا گیا ہے۔
سابق کپتان سرفراز احمد اور فواد عالم کو بھی دورہ انگلینڈ کے لیے اعلان کردہ اسکواڈ میں شامل کرلیا گیا ہے۔ان کے علاوہ نوجوان بلے باز حیدر علی کو پہلی مرتبہ اسکواڈ میں شامل کیا گیا ہے۔
لیفٹ آرم اسپنر کاشف بھٹی کو بھی اسکواڈ میں شامل کیا گیا ہے۔ وہ اس سے قبل آسٹریلیا اور سری لنکا کے خلاف بھی اسکواڈ میں شامل رہےہیں تاہم وہ اب تک کوئی میچ نہیں کھیل سکے ہیں۔
فاسٹ بالر سہیل خان اور عمران خان کو بھی کافی عرصے بعد اسکواڈ میں جگہ مل گئی ہے۔سہیل خان نے آخری ٹیسٹ 2016 میں کھیلا تھا۔
ان کے علاوہ سینئر کھلاڑیوں شعیب ملک، محمد حفیظ اور وہاب ریاض کی بھی واپسی ہوئی ہے۔ تینوں کھلاڑیوں کو ٹی ٹوئنٹی کے لیے اسکواڈ کا حصہ بنایا گیاہے۔
دورہ انگلینڈ کے لیے اعلان کردہ اسکواڈ میں خوشدل شاہ، فہیم اشرف کو بھی ٹیم میں شامل کیا گیا ہے جبکہ بلال آصف، محمد نواز، موسیٰ خان اور عمران بٹ ریزرو کھلاڑیوں میں شامل ہیں۔
دورہ انگلینڈ کے لیے کھلاڑیوں کے کورونا ٹیسٹ 20 اور 25 جون کو ہوں گے جبکہ ٹیم کی انگلینڈ روانگی جولائی کے ابتدائی دنوں میں متوقع ہے۔
قومی ٹیم میں شامل 29 کھلاڑیوں کے نام :
ٹیسٹ کپتان:اظہر علی
ون ڈے اور ٹی ٹوئنٹی کپتان: بابر اعظم
اوپنرز: عابد علی،فخر زمان، امام الحق اور شان مسعود
مڈل آرڈر بیٹسمین: اسد شفیق، فواد عالم، حیدر علی،خوشدل شاہ ، افتخار احمد، محمد حفیظ اور شعیب ملک
وکٹ کیپرز: سرفراز احمد اور محمد رضوان
فاسٹ بالرز:فہیم اشرف، حارث رؤف، عمران خان،محمد عباس، محمد حسنین،نسیم شاہ ، شاہین شاہ آفریدی،سہیل خان، عثمان شنواری اوروہاب ریاض
اسپنرز: عماد وسیم، کاشف بھٹی، یاسر شاہ اور شاداب خان
AdvertisementHaider Ali, the Pakistan U19 batsman and one of the players to watch-out for, has been named in a 29-player squad for three Tests and three T20Is against England to be played in August-September.
MORE ➡️https://t.co/52WmSbs1sK pic.twitter.com/AAepOCWDL4
— Pakistan Cricket (@TheRealPCB) June 12, 2020
یاد رہے کہ محمد عامر اور حارث سہیل نے پہلے ہی دورہ انگلینڈ کے لیے دستیابی سے معذرت کرلی تھی۔
محمد عامر نے اگست میں اپنے بچے کی پیدائش اور حارث سہیل نے فیملی وجوہات کی بناء پر دورے سے معذرت کی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News