پاکستان نے جنوبی افریقہ کو پہلے ٹیسٹ میچ میں 7 وکٹوں سے شکست دے دی۔
نیشنل اسٹیڈیم کراچی میں کھیلے گئے میچ میں پاکستان نے 88 رنز کا ہدف 3 وکٹوں کے نقصان پر حاصل کرلیا۔
اظہر علی 31 اور فواد عالم 4 رنز بناکر ناٹ آؤٹ رہے۔کپتان بابر اعظم 30 ، عمران بٹ 12 اور عابد علی 10 رنز بناکر آؤٹ ہوئے۔
جنوبی افریقہ کی جانب سے اینرچ نورٹجے نے 2 اور کیشو مہاراج نے ایک وکٹ حاصل کی۔
AdvertisementPAKISTAN WIN!!!#PAKvSA Scorecard: https://t.co/RMc0Lq3NOy#HarHaalMainCricket | #BackTheBoysInGreen pic.twitter.com/sWQgNUN6X5
— Pakistan Cricket (@TheRealPCB) January 29, 2021
اس سے قبل جنوبی افریقی ٹیم اپنی دوسری اننگز میں پاکستانی اسپنرز کی شاندار بالنگ کی بدولت 245 رنز بناکر آل آؤٹ ہوگئی تھی۔
جنوبی افریقہ کی جانب سے ایڈن مارکرام 74 ، ریسی وینڈر ڈسن 64 اور ٹمبا باووما 40 رنز بناکر نمایاں رہے تھے۔
ڈین ایلگر 29، جارج لنڈے 11 اور فاف ڈوپلیسی 10 رنز بناسکے۔ ان کے علاوہ کوئی بلے باز ڈبل فیگرز میں داخل نہ ہوسکا تھا۔
پاکستان کی جانب سے ڈیبیوٹینٹ نعمان علی نے 5 ، یاسر شاہ نے 4 اور حسن علی نے ایک وکٹ حاصل کی تھی۔
یاد رہے کہ جنوبی افریقہ نے ٹاس جیت کر پہلے بیٹنگ کرنے کا فیصلہ کیا تھا جو ابتدائی سیشن میں بظاہر درست ثابت ہوا تھا۔
پہلے سیشن میں جنوبی افریقہ نے دو وکٹوں کے نقصان پر 100 سے زائد رنز اسکور کر رکھے تھے۔تاہم کھانے کے وقفے کے بعد سے پاکستانی بالرز چھائے اور جنوبی افریقی بلے بازوں کو جم کر کھیلنے نہ دیا تھا۔
جنوبی افریقہ کی جانب سے ڈین ایلگر 58 اور جارج لنڈے 35 رنز بناکر نمایاں رہے تھے۔
ان کے علاوہ فاف ڈوپلیسی 23،کگیسو ربادا 21 ،ٹمبا باوومااور ریسی وینڈر ڈسن 17،17 ، کپتان کوئنٹن ڈی کوک 15 اورایڈن مارک رام 13 رنز بناسکے تھے۔
اینرچ نورٹجے اور کیشو مہاراج بغیر کوئی رن بنائے ہی پویلین لوٹ گئے تھے۔
پاکستان کی جانب سے یاسر شاہ 3 وکٹیں لے کر نمایاں رہے تھے جبکہ ڈیبیو کرنے والے نعمان علی کے حصے میں 2 وکٹیں آئیں تھیں۔
شاہین شاہ آفریدی بھی 2 وکٹیں لینے میں کامیاب رہے تھے جبکہ حسن علی نے ایک کھلاڑی کو آؤٹ کیا تھا۔
فواد عالم کو شاندار سنچری اسکور کرنے پر میچ کا بہترین کھلاڑی قرار دیا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News