سال 2021 میں یوں تو کورونا اور آئی سی سی ٹی ٹوئنٹی ورلڈکپ کے سبب ٹیسٹ کرکٹ نسبتاً کم ہی کھیلی گئی۔
رواں برس 44 ٹیسٹ میچز کھیلے گئے جن میں بالرز کا راج قائم رہا اور بلے بازوں کے لیے یہ سال کچھ خاص اچھا ثابت نہیں ہوسکا۔
کھیلے گئے 44 میچز میں 8 مرتبہ مخالف ٹیم کو اننگز کی شکست اور 6 مرتبہ 200 سے زائد رنز کے مارجن سے شکست ہوئی۔
ان مشکل حالات میں صرف 7 کھلاڑی ہی رواں برس ٹیسٹ کرکٹ میں ڈبل سنچری اسکور کرسکے تاہم کوئی بھی کھلاڑی ٹرپل سنچری اسکور نہ کرسکا۔
ڈبل سنچری کرنے والے کھلاڑیوں میں صرف انگلش کپتان جو روٹ وہ واحد بلے باز ہیں جنہوں نے یہ کارنامہ دو مرتبہ انجام دیا ۔
اس سال ٹیسٹ کرکٹ میں سب سے زیادہ انفرادی اسکور سری لنکا کے کرونا رتنے نے بنایا۔انہوں نے بنگلادیش کے خلاف 244 رنز کی اننگز کھیلی۔
Double centuries in Tests in 2021:
🇱🇰 Karunaratne vs Ban ➜ 244
🇳🇿 Williamson vs Pak ➜ 238
🏴 Root vs SL ➜ 228
🏴 Root vs Ind ➜ 218
🇵🇰 Ali vs Zim ➜ 215*
🌴 Mayers vs Ban ➜ 210*
🇦🇫 Shahidi vs Zim ➜ 200*
🇳🇿 Conway vs Eng ➜ 200— ESPNcricinfo (@ESPNcricinfo) December 31, 2021
کیوی کپتان دوسرے نمبر پر رہے جنہوں نے پاکستان کے خلاف 238 رنز بنائے۔
اس کے بعد انگلش کپتان جو روٹ 228 رنز بمقابلہ سری لنکا اور 218 رنز بمقابلہ بھارت بناکر تیسرے اور چوتھے نمبر پر موجود ہیں۔
پاکستان کے عابد علی زمبابوے کے خلاف 215 رنز کی ناقابل شکست اننگز کھیل کر اس فہرست میں پانچویں نمبر پر موجود ہیں۔
چھٹے نمبر پر ویسٹ انڈیز کے ابھرتے ہوئے نوجوان کھلاڑی کائل مایرز ہیں جنہوں نے بنگلادیش کے خلاف 395 رنز کے مشکل ہدف کے تعاقب میں 210 رنز کی ناقابل شکست اننگز کھیل کر اپنی ٹیم کو فتح دلوائی تھی۔
افغانستان کے حشمت اللہ شاہدی زمبابوے کے خلاف 200 رنز کی ناقابل شکست اننگز کھیل کر ڈبل سنچری اسکور کرنے والےپہلے افغان بلے باز بنے۔
نیوزی لینڈ کے ڈیون کونوے انگلینڈ کے خلاف 200 رنز بناکر اس فہرست میں سب سے آخری کھلاڑی ہیں۔
رواں برس کھیلے گئے 44 ٹیسٹ میچز میں 48 سنچریز اسکور کی گئیں۔ جو روٹ(6)، کرونارتنے(4) اور فواد عالم(3) کے علاوہ کوئی کھلاڑی 2 سے زیادہ سنچریز اسکور نہیں کرسکا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News