لاہور: قومی اسکواڈ میں شامل کھلاڑی کل ڈھاکہ سے بذریعہ دبئی وطن واپس لوٹے گیں۔

تفصیلات کے مطابق ویسٹ انڈیز کے خلاف سیریز کے لئے اعلان کردہ قومی اسکواڈ میں شامل کھلاڑی کل ڈھاکہ سے بذریعہ دبئی کراچی پہنچیں گے جبکہ ٹیم مینجمنٹ سمیت محمد رضوان، شاہین آفریدی، عبداللہ شفیق، سعود شکیل، محمد نواز اور امام الحق کل شام 6 بجے کراچی پہنچیں گے جبکہ یہ تمام افراد کراچی پہنچ کر بائیو سیکیور ببل کو جوائن کرلیں گے۔

کپتان بابر اعظم، فہیم اشرف، سرفراز احمد، فواد عالم، نعمان علی، زاہد محمود اور عابد علی بھی اسی فلائیٹ پر کراچی پہنچیں گے جبکہ کپتان بابر اعظم 10 دسمبر کو بائیو سیکیور ببل جوائن کریں گے۔

فہیم اشرف اور عابد علی کراچی میں جاری ڈومیسٹک کرکٹ میں شرکت کریں گے۔ اظہر علی، نسیم شاہ، حسن علی، محمد عباس، بلال آصف، کامران غلام اور ساجد خان کل شام 6:30 بجے لاہور پہنچیں گے۔

واضح رہے کہ پاکستان اور بنگلادیش کے درمیان دو ٹیسٹ میچز پر مشتمل سیریز جاری ہے جس کے دوسرے میچ کے آخری دن کا کھیل آج کھیلا جارہا ہے۔

اس میچ میں پاکستان کو جیت کے لیے 5 وکٹیں درکار ہیں جبکہ میزبان ٹیم کو میچ کی شکست سے بچنے کے لیے دن کے اختتام تم جمے رہنا ہے۔

یاد رہے کہ پاکستان کو ٹیسٹ سیریز ٰمیں 1،0 کی برتری حاصل ہے جبکہ یہ میچز آئی سی سی چیمپئنز ٹرافی کا حصہ ہیں۔