پاکستان اور آسٹریلیا کے درمیان جاری پنڈی ٹیسٹ میں منفرد ریکارڈ قائم ہوگیا۔
تفصیلات کے مطابق ٹیسٹ کرکٹ کی تاریخ میں یہ دوسرا میچ ہے جس کی تین مختلف اننگز میں سنچری اوپننگ پارٹنرشپ ہوئی ہیں۔
پہلی اننگز میں پاکستان کے عبداللہ شفیق اور امام الحق نے سنچری شراکت قائم کی، میچ کی دوسری اننگز میں آسٹریلیا کے عثمان خواجہ اور ڈیوڈ وارنر نے سنچری شراکت قائم کی اور میچ کی تیسری اور اپنی دوسری اننگز میں پاکستانی جوڑی نے پھر سنچری شراکت قائم کردی۔
اس سے قبل 1946-47 میں ایڈیلیڈ اوول میں آسٹریلیا اور انگلینڈ کے درمیان کھیلے گئے میچ کی تین مختلف اننگز میں اوپننگ سنچری شراکت قائم ہوئی تھی۔
صرف یہی نہیں اس کے علاوہ بھی پنڈی ٹیسٹ میں کئی منفرد ریکارڈ قائم ہوئے ہیں۔
پاکستانی اوپنرز نے آسٹریلیا کے خلاف وہ کارنامہ انجام دے دیا جو انگلینڈ کے سوا آج تک کوئی نہ کرسکا۔
دوسری اننگز میں بھی پاکستانی اوپنرز نے سنچری شراکت قائم کرکے آسٹریلیا کے خلاف دونوں اننگز میں سنچری شراکت قائم کرنے والی انگلینڈ کے بعد دوسری ٹیم ہونے کا اعزاز حاصل کرلیا۔
اس سےقبل آسٹریلیا کے خلاف صرف چار مواقعوں پہ ایسا ہوسکا ہےاور چاروں مرتبہ انگلینڈ نے ہی دونوں اننگز میں سنچری شراکت قائم کی ہے۔
انگلینڈنے آسٹریلیا کے خلاف دونوں اننگز میں سنچری شراکت 1924 ،1947، 1948 اور آخری مرتبہ 1971 میں قائم کی تھیں۔
A century stand in both innings v AUS:
1924 – Hobbs & Sutcliffe (ENG)
1947 – Hutton & Washbrook (ENG)
1948 – Hutton & Washbrook (ENG)
1971 – Boycott & Edrich (ENG)
2022 – Shafique & Imam-ul-Haq #PAKvAUSAdvertisement— cricket.com.au (@cricketcomau) March 8, 2022
پاکستان کی جانب سے عبداللہ شفیق اور امام الحق نے یہ کارنامہ پنڈی ٹیسٹ میں انجام دیا جب آسٹریلوی ٹیم 24 برس بعد پاکستان کے دورے پر آئی ہے۔
پاکستانی اوپنرز کی جانب سے کسی بھی ٹیسٹ میچ کی دونوں اننگز میں اپننگ شراکت قائم کرنے کا یہ تیسرا موقع ہے۔
اس سے قبل 2003 میں عمران فرحت اور توفیق عمر اور گزشتہ برس 2021 میں عبداللہ شفیق اور عابد علی بنگلادیش کے خلاف یہ کارنامہ انجام دے چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News