لاہور: قومی کرکٹر عابد علی نے میاں میر اسپتال میں انسداد پولیو مہم کا افتتاح کردیا ہے۔
ٹیسٹ کرکٹر عابد علی نے پنجاب میں پولیو مہم کا افتتاح کیا جبکہ تقریب میں پنجاب پولیو پروگرام کی سربراہ سیدہ رملہ علی اور ضلعی انتظامیہ برائے صحت بھی شریک تھے۔
اس موقع پر عابد علی کا کہنا تھا کہ والدین پولیو ورکرز سے بھرپور تعاون کریں، پاکستان میں پولیو کیسز سامنے آنے کے بعد سخت احتیاط کی ضرورت ہے۔
قومی کرکٹر کہتے ہیں قطرے اور ٹیکے ہی پولیو سے بچاؤ کا واحد ذریعہ ہیں۔
تقریب میں پنجاب پولیو پروگرام کی سربراہ سیدہ رملہ علی کا کہنا تھا کہ انسدادِ پولیو مہم 27 جون سے شروع کی جا رہی ہے جبکہ یہ مہم 6 اضلاع میں منعقد کی جائے گی۔
سیدہ رملہ کہتی ہیں لاہور، راولپنڈی اور فیصل آ باد میں مہم سات روز تک جاری رہے گی جبکہ ڈیرہ غازی خان، لیہ، میانوالی میں مہم پانچ روزہ ہو گی۔
انہوں نے کہا کہ ڈیرہ غازی خان اور لیہ میں مہم منتخب علاقوں میں منعقد کی جائے گی جبکہ میانوالی میں بھی مہم منتخب علاقوں میں ہی منعقد کی جائے گی۔
ان کا کہنا تھا کہ مہم کا انعقاد پولیو سے غیر محفوظ علاقوں میں کیا جا رہا ہے، 45 لاکھ سے زائد بچوں کو قطرے پلائے جائیں گے۔
سیدہ رملہ کا کہنا تھا کہ ورکرز پولیو پروگرام کا سب سے اہم اثاثہ ہیں اور پولیو کے خلاف کامیابیاں ان ہی کی مرحون منت ہیں، والدین پولیو ورکرز سے بھرپور تعاون کریں۔
انہوں نے مزید کہا کہ پولیو کا خاتمہ حکومت کی اولین ترجیح ہے جبکہ پولیو ویکسین مکمل محفوظ اور موثر ہے، ہر اضافی خوراک کا مطلب ہے اضافی تحفظ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News