قومی کرکٹ ٹیم کے فاسٹ بالر شاہین شاہ آفریدی نے کپتان بابر اعظم کے کھیل کی تعریف کرتے ہوئے کہا کہ آپ نے لاکھوں دل جیت لیے۔
سماجی رابطے کی ویب سائٹ ٹوئٹر پر جاری کردہ ٹوئٹ میں شاہین شاہ آفریدی نے کہا کہ ریکارڈز ایک چیز ہیں لیکن آپ نے کل رات خوشدل شاہ کو مین آف دی میچ ایوارڈ دے کر جس عظمت کا مظاہرہ کیا، آپ نے لاکھوں دل جیت لیے۔
شاہین شاہ آفریدی نے بابر اعظم کو دعا دیتے ہوئے اپنے ٹوئٹ میں لکھا کہ کپتان اللہ کرے آپ پاکستان کے لیے مزید ریکارڈ توڑتے رہیں، آپ پاکستان کی شان ہو۔
https://twitter.com/iShaheenAfridi/status/1534829360095830016?ref_src=twsrc%5Etfw%7Ctwcamp%5Etweetembed%7Ctwterm%5E1534829360095830016%7Ctwgr%5E%7Ctwcon%5Es1_&ref_url=https%3A%2F%2Fwww.humnews.pk%2Flatest%2F393113%2F
شاہیں شاہ نے اپنے ٹوئٹ میں قومی کرکٹ ٹیم کے کپتان بابر اعظم کی تصویر کے ساتھ خوشدل شاہ کی تصویر بھی شیئر کی ہے۔
واضح رہے کہ گزشتہ روز پاکستان کرکٹ ٹیم کے کپتان بابر اعظم نے اپنا مین آف دا میچ کا ایوارڈ خوشدل شاہ کو دیا تھا۔
یاد رہے کہ گزشتہ روزویسٹ انڈیز کے خلاف ہوم سیریز میں پاکستان نے مہمان ٹیم کو 5 رنز سے شکست دی۔
تین میچوں پر مشتمل ون ڈے سیریز کے افتتاحی میچ میں ویسٹ انڈیز نے پاکستان کو جیت کے لیے 306 رنز کا ہدف دیا، قومی ٹیم نے مطلوبہ ہدف پانچ وکٹوں کے نقصان پر پورا کر لیا۔
بابراعظم شاندار سنچری بنا کر نمایاں رہے، تاہم اختتامی اوورز میں خوشدل شاہ نے جارحانہ بیٹنگ کر کے 23 گیندوں پر 41 رنز بنائے اور آخری اوور میں ٹیم کو جیت دلوائی۔
جیوری کی جانب سے سنچری اسکور کرنے والے کپتان بابراعظم کو مین آف دی میچ ایوارڈ کے لیے چنا گیا، لیکن بابر اعظم نے بڑے دل کا مظاہرہ کرتے ہوئے اپنا ایوارڈ خوشدل شاہ کو دے دیا، جس سے انہوں نے میچ کے ساتھ ساتھ پاکستانی عوام کے دلوں کو بھی ایک بار پھر جیت لیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News