لاپتہ ہونے والے پاکستان کے کم عمر ترین کوہ پیما شہروز کاشف اور ان کے ساتھی کیمپ نمبر 4 سے 3 کی طرف گامزن ہیں۔
ذرائع کے مطابق پاکستان کے کم عمر ترین کوہ پیما شہروز کاشف اور ان کے ساتھی فضل علی کیمپ نمبر 4 سے 3 کی طرف گامزن ہیں جبکہ دونوں کوہ پیما رات گزارنے کے بعد کیمپ 3 پہنچ رہے ہیں۔
چلاس کے ڈپٹی کمشنر دیامر فیاض احمد نے کوہ پیماؤں کی نقل و حرکت کی تصدیق کردی ہے۔
یہ بھی پڑھیں: پاکستانی کوہ پیما شہروز کاشف نے نانگا پربت سر کرلی
نجی خبر رساں ادارے سے گفتگو کرتے ہوئے شہروز کاشف کے والد کاشف سلمان کا کہنا تھا کہ شہروز چوتھے سے تیسرے کیمپ میں آتے دکھائی دیے ہیں۔
انہوں نے کہا کہ شہروز اور ان کے ساتھی کی کسی نے مدد نہیں کی، وہ اپنی مدد آپ کے تحت ہی کیمپ تھری پہنچ رہے ہیں۔
انہوں نے مزید کہا کہ شہروز کاشف اور ان کے ساتھی فضل علی کو ریسکیو نہیں کیا گیا ہے۔
واضح رہے کہ شہروز کاشف اور ان کے ساتھی فضل علی نے گذشتہ روز صبح 8 بج کر 15 منٹ پر نانگا پربت چوٹی سر کی تھی جس سے واپسی پر وہ لاپتہ پوگئے تھے۔
یہ بھی پڑھیں: دوغیر ملکی خواتین کوہ پیماؤں نے نانگا پربت سر کرلی
دوسری جانب گذشتہ روز دونوں کوہ پیماؤں سے کیمپ کا رابطہ منقطع ہونے کے بعد وزیراعلیٰ گلگت بلتستان عبدالخالد نے ریسکیو آپریشن کا حکم دے دیا تھا۔
خیال رہے کہ شہروز کاشف نے کم عمری میں ہی نانگا پربت چوٹی سر کرنے کا ریکارڈ بنایا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News