سری لنکا کرکٹ ٹیم پر کورونا کا سنگین وار، ٹیم کے تین کھلاڑیوں کا کوویڈ 19 ٹیسٹ مثبت آگیا۔

تفصیلات کے مطابق کورونا کا شکار ہونے والے تینوں کھلاڑی کل گال میں شروع ہونے والے دوسرے ٹیسٹ سے باہر ہوگئے ہیں۔

دھننجایاڈی سلوا، آسیتھافرنینڈو اور جیفری ویندرسے کورونا وائرس کا شکار ہوئے ہیں، ایک ہفتے کے دوران سری لنکا کے پانچ کرکٹرز کورونا وائرس کا شکار ہوئے ہیں۔

اس کے علاوہ سابق کپتان انجیلو میتھیوز دوسرے ٹیسٹ کے لئے دستیاب ہوں گے، انجیلو میتھیوز کا گزشتہ ہفتے کوویڈ 19 ٹیسٹ مثبت آیا تھا

بیک اپ اسپنر پراوین جیا وکراما کا منگل کو کوویڈ ٹیسٹ مثبت آیا تھا اس لیے وہ بھی سلیکشن کے لئے دستیاب نہیں ہونگے جبکہ لیفٹ آرم اسپنر لکشن سنداکن کو اسکواڈ میں شامل کر لیا گیا ہے۔

දෙවැනි ටෙස්ට් තරගයට පෙර තවත් තිදෙනෙකුට කොරෝනා ආසාධනය වෙයිhttps://t.co/2MeSmvNCUR

— Sri Lanka Cricket 🇱🇰 (@OfficialSLC) July 7, 2022

واضح رہے کہ سکواڈ کے باقی ارکان کے بدھ کو ہونے والے ٹیسٹ منفی آئے ہیں، خیال رہے کہ سری لنکا گال انٹرنیشنل اسٹیڈیم میں کینگروز کے خلاف ٹیسٹ سیریز کی میزبانی کر رہا ہے۔

یاد رہے کہ آسٹریلیا نے پہلے ٹیسٹ میچ میں سری لنکا کو 10 وکٹوں سے شکست دے کر کامیابی اپنے نام کی تھی جبکہ انہیں سیریز میں 1-0 کی برتری حاصل ہے۔

آئی سی سی ورلڈ ٹیسٹ چیمپئن شپ میں آسٹریلیا اس وقت 77.78 فیصد جیت کے تناسب کے ساتھ سر فہرست ہے جبکہ سری لنکا 47.62 فیصد جیت کے تناسب کے ساتھ چھٹے نمبر پر موجود ہے۔