ون ڈے رینکنگ میں بابر اعظم کی پہلی پوزیشن برقرار ہے جبکہ شاہین  شاہ آفریدی کی ترقی ہوئی ہے۔

انٹرنیشنل کرکٹ کونسل (آئی سی سی) کی جانب سے جاری کردہ تازہ ترین رینکنگ کے مطابق قومی کرکٹ ٹیم کے کپتان بابر اعظم اور امام الحق بدستور بالترتیب پہلی اور دوسری پوزیشن پر براجمان ہیں۔

جنوبی افریقہ کے ریسی وینڈر ڈسن اور کوئنٹن ڈی کوک، آسٹریلیا کے ڈیوڈ وارنر اور اسٹیو اسمتھ بدستور بالترتیب تیسری سے چھٹی پوزیشن پر موجود ہیں۔

انگلینڈ کے جونی بیئر اسٹو دو درجے ترقی سے ساتویں پوزیشن پر آگئے جبکہ بھارت کے ویرات کوہلی اور روہت شرما ایک ایک درجہ تنزلی سے بالترتیب آٹھویں اور نویں پوزیشن پر چلے گئے۔

نیوزی لینڈ کے کپتان کین ولیمسن کی دسویں پوزیشن برقرار ہے۔

بولنگ کی فہرست میں نیوزی لینڈ کے ٹرینٹ بولٹ بدستور پہلی، آسٹریلیا کے جوش ہیزل ووڈ دوسری اور آسٹریلیا کے ہی مچل اسٹارک بدستور تیسری پوزیشن پر موجود ہیں۔

پاکستان کے شاہین شاہ آفریدی ایک درجہ ترقی سے چوتھی اور نیوزی لینڈ کے میٹ ہینری تین درجے ترقی سے پانچویں پوزیشن پر آگئے۔

Top performers of the week make significant gains in the latest update of the @MRFWorldwide ICC Men’s ODI Player Rankings 📈#ICCRankings | Details 👇https://t.co/uRPNLnTpYe

— ICC (@ICC) November 30, 2022

آسٹریلیا کے ایڈم زیمپا بدستور چھٹی  اور بنگلہ دیش کے مہدی حسن بدستور ساتویں پوزیشن پر موجود ہیں۔

افغانستان کے مجیب الرحمان چار درجے تنزلی سے آٹھویں پوزیشن پر چلے گئے جبکہ بنگلہ دیش کے مستفیض الرحمان ایک درجہ ترقی سے نویں پوزیشن پر آگئے۔

افغانستان کے راشد خان ایک درجہ تنزلی سے دسویں پوزیشن پر چلے گئے۔