پاکستان کا نام روشن کرنے والے عالمی ریکارڈ یافتہ راشد نسیم کو اٹلی نے ٹی وی شو میں مدعو کرلیا ہے۔
عالمی ریکارڈ یافتہ راشد نسیم کو اٹلی کا ویزا جاری کردیا گیا ہے جب کہ وہ 4 فروری کو اٹلی روم روانہ ہوں گے۔
راشد نسیم اطالوی ٹی وی شو میں چار عالمی ریکارڈ بنانے کی کوشش کریں گے جب کہ وہ اپنے شاگرد اصمر جاوید کے ساتھ اٹالین گینز ورلڈ ریکارڈ شو میں شرکت کریں گے۔
یہ بھی پڑھیں: راشد نسیم دنیا میں سب سے زیادہ نن چکو کیٹیگری میں ریکارڈ بنانے والے کھلاڑی بن گئے
اٹلی کے قونصل جنرل نے راشد نسیم سے ملاقات میں نیک خواہشات کا اظہار کیا ہے جب کہ انہوں نے اپنے بھرپور تعاون کا یقین دلایا ہے۔
اطالوی ادارے نے راشد نسیم کا انشورنس کرایا ہے، ریکارڈ بنانے کے دوران موت یا انجری کی صورت میں اہل خانہ کو ساڑھے 5 کڑور روپے کی رقم ادا کی جائے گی۔
راشد نسیم کو پہلے ریکارڈ میں ایک منٹ میں نن چکو کے ساتھ کلے ٹارگٹ کو توڑنا ہوگا جب کہ دوسرے ریکارڈ میں نن چکو کے ساتھ دو بوتل کے درمیان رکھے تاش کے کارڈ کو بوتل سے گرائے بغیر نکالنا ہوگا۔
تیسرے ریکارڈ میں ایک منٹ میں سر سے کولڈڈرنک کین پھاڑنا ہوگا جب کہ چوتھے ریکارڈ میں انہیں سر کے ساتھ ایک منٹ میں بوتل کے ڈھکن کھولنا ہوں گے۔
واضح رہے کہ کراچی کے رہائشی راشد نسیم پچھلے 27 سالوں سے مارشل آرٹس کی پریکٹس کر رہے ہیں اور وہ اب تک پاکستان کے لیے 82 عالمی ریکارڈ بناچکے ہیں جب کہ ان کی صاحبزادی اور 12 شاگرد بھی عالمی ریکارڈ بنا چکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News