لاہور: ایشین ہاکی چمپئن ٹرافی میں شرکت کے لیے پاکستان ہاکی ٹیم کےکھلاڑیوں کو بھارت نے ویزے جاری کردیے ہیں۔

تفصیلات کے مطابق بھارت نے پاکستان ہاکی ٹیم کے کھلاڑیوں کو ویزے جاری کیے ہیں جب کہ کچھ آفیشلز کے ویزے تاحال جاری نہیں ہوسکے ہیں۔

واضح رہے کہ ایشین ہاکی چمپئین ٹرافی 3 سے 18 اگست تک بھارت کے شہر چنئی میں کھیلی جائے گی۔

یہ بھی پڑھیں: ایشین چیمپئنز ٹرافی کے لیے قومی ہاکی ٹیم کے کھلاڑیوں کا اعلان

ایشین چیمپئنز ٹرافی میں تمام ٹیموں کا ایک ہی پول بنایا گیا ہے، پاکستان اپنا پہلا میچ 3 اگست کو ملائیشیا کے ساتھ کھیلے گا جب کہ دوسرا میچ 4 اگست کو کوریا کے ساتھ کھیلے گا۔

پاکستان کا تیسرا میچ 6 اگست کو جاپان، چوتھا میچ 7 اگست کو چین، پانچواں میچ 9 اگست کو روایتی حریف بھارت سے ہوگا۔

دوسری جانب قومی ٹیم میں 18 کھلاڑی اور 9 آفیشلز شامل ہیں جب کہ 27 رکنی دستے میں 2 میچ آفیشلز بھی شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں