44 سال بعد ایران میں خواتین کو ٹاپ لیگز میچز دیکھنے کے لیے اسٹیڈیم میں جانے کی اجازت دے دی گئی ہے۔

خبر رساں ادارے کی رپورٹ کے مطابق ایران میں خواتین کے لیے ایک بڑی خوش خبری سامنے آئی ہے جس میں خواتین کو میچز دیکھنے کے لیے اسٹیڈیم میں جانے کی اجازت مل گئی ہے۔

رواں سال ایران میں خواتین ٹاپ لیگز کے میچز دیکھ سکیں گی جب کہ 44 سال بعد ایران میں خواتین تماشائیوں کی واپسی ہوئی ہے۔

ایران میں 1979 کے اسلامی انقلاب کے بعد سے خواتین کو فٹ بال اور دیگر میچز دیکھنے کے لیے اسٹیڈیم میں جانے سے روک دیا گیا تھا جب کہ ایران میں باضابطہ طور پر ایسا کوئی قانون موجود نہیں ہے۔

یہ اعلان 16 ٹیموں پر مشتمل ایران کے اعلیٰ سطحی فٹ بال سیزن کی ڈرائنگ تقریب میں سامنے آیا ہے جو اگلے ماہ منعقد ہونے والا ہے۔

واضح رہے کہ ایران میں علماء کرام ملک کے فیصلہ سازی میں اہم کردار ادا کرتے ہیں، انہوں نے دلیل دی ہے کہ خواتین کو مردانہ ماحول اور نیم پوش مرد کھلاڑیوں کی نظروں سے بچانا چاہیے۔

تاہم ان تمام باتوں کے باوجود اتوار کو تاج نے تصدیق کی کہ اصفہان، کرمان اور اہواز کے شہروں کے کچھ اسٹیڈیم خواتین کی میزبانی کے لیے “تیار” ہیں لیکن دارالحکومت تہران اس میں شامل نہیں۔

یاد رہے کہ اس سے قبل 2019 میں تہران کے کلب استغلال نے کلب میس کرمان کے ساتھ میچ کھیلا تھا تو خواتین کو پہلی بار فٹ بال میچ میں شرکت کی اجازت دی گئی تھی۔

علاوہ ازیں تقریباً 4 ہزار خواتین کو 2019 میں تہران کے آزادی اسٹیڈیم میں کمبوڈیا کے خلاف ورلڈ کپ 2022 کوالیفائر کے میچ میں شرکت کی اجازت دی گئی تھی۔