ایشیاکپ میں پاکستان کی شکست اور ایونٹ سے باہر ہونے کے بعد سابق ہیڈ کوچ مصباح الحق کپتان بابر اعظم اور آل راؤنڈر شاداب خان کے دفاع میں میدان میں آگئے ہیں۔
پیر کو کراچی میں میڈیا سے گفتگو کرتے ہوئے سابق کپتان مصباح الحق نے کہا کہ ایشیاکپ میں پاکستان کی ناکامی کی وجہ پوری ٹیم ہے اور اسے کسی ایک فرد سے منسوب نہیں کیا جاسکتا۔
انہوں نے کہا کہ ’’228 رنز سے شکست کا ذمہ دار اکیلا کپتان نہیں، یہ پوری ٹیم کی ناکامی ہے اور کرکٹ میں ایسا ہوتا ہے۔ ظاہر ہے ہمیں پیچھے مڑ کر دیکھنا ہوگا کیونکہ ایک شخص کو نشانہ بنانا درست نہیں جب کہ باقی دس کھلاڑی بھی کھیل رہے تھے‘‘۔
ان کا کہنا تھا کہ آپ کے پاس مینجمنٹ بھی ہے اور یہ وہی ٹیم تھی جو لگاتار جیت رہی تھی، یقیناً غلطیاں ہوئیں ہیں جنہیں درست کرنا ہے۔
یہ بھی پڑھیں: ایشیا کپ سے باہر ہونے پر بابراعظم اور شاہین آفریدی کی لڑائی؟ حقیقت سامنے آگئی
مصباح الحق کہتے ہیں کہ ٹیم کے اسپن ڈیپارٹمنٹ کو میچ میں چیلنجز کا سامنا کرنا پڑا لیکن یہ ضروری ہے کہ کھلاڑیوں کو اکیلا نہ کیا جائے اور ان کی صلاحیتوں پر اعتماد رکھیں۔
انہوں نے مزید کہا کہ کھلاڑیوں نے اچھی کارکردگی نہیں دکھائی لیکن اس کا مطلب یہ نہیں کھلاڑیوں میں کمی ہے تاہم وہ خود کو بہتر بناسکتے ہیں۔
انہوں نے شاداب خان کے دفاع میں کہا کہ ’’یہ وہی شاداب خان تھے جنہوں نے ماضی میں اچھی کارکردگی کا مظاہرہ کیا تھا‘‘۔
خیال رہے کہ پاکستان کو ایشیاکپ 2023 کے سپر فور مرحلے میں بھارت کے خلاف 228 رنز سے بدترین شکست کا سامنا کرنا پڑا تھا جب کہ سری لنکا کے خلاف شکست کے بعد قومی ٹیم ایونٹ سے باہر ہوگئی تھی۔
واضح رہے کہ قومی ٹیم اب بھارت میں 5 اکتوبر سے شروع ہونے والے آئی سی سی مینز ورلڈ کپ میں شرکت کے لیے تیاری کررہی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News