انٹرنیشنل کرکٹ کونسل (آئی سی سی) نے ضابطہ اخلاق کی خلاف ورزی پر افغان کھلاڑی رحمان اللہ گرباز کو وارننگ جاری کردی ہے۔
ورلڈکپ 2023 کے 13 ویں میچ میں افغانستان کا مقابلہ انگلینڈ سے ہوا جس میں افغانستان نے جیت حاصل کرکے ایونٹ کا پہلا اپ سیٹ کردیا۔
تاہم افغان ٹیم کی جیت کا جشن اس وقت کھٹائی میں پڑا جب اوپنر رحمان اللہ گرباز کو آئی سی سی نے ضابطہ اخلاق کے لیویل 1 کی خلاف ورزی پر ان کو وارننگ جاری کردی۔
آئی سی سی نے رحمان اللہ گرباز کو ضابطہ اخلاق برائے پلیئرز اور پلیئر سپورٹ پرسنل کے آرٹیکل 2.2 کی خلاف ورزی کا مرتکب قرار دیا ہے۔
خیال رہے کہ یہ واقعہ افغانستان کی اننگز کے 19 ویں اوور میں پیش آیا تھا جب رحمان اللہ گرباز نے 80 رنز پر رن آؤٹ ہونے کے بعد میدان چھوڑتے وقت اپنا بلا باؤنڈری لائن اور کرسی سے ٹکرایا تھا۔
دوسری جانب افغان کھلاڑی نے اپنی غلطی کو تسلیم کرتے ہوئے آئی سی سی ایلیٹ پینل کی جانب سے تجویز کردہ سزا کا تسلیم کیا ہے۔
آئی سی سی ایلیٹ پینل نے رحمان اللہ گرباز کو ایک ڈی میرٹ پوائنٹس کی سزا دی ہے جب کہ 24 ماہ کے دوران 4 یا اس سے زائد ڈٰی میرٹ پوائنٹس پر کھلاڑی کو پابندی کا سامنا بھی کرنا پڑسکتا ہے۔
واضح رہے کہ لیول 1 کی خلاف ورزی پر کھلاڑی کو کم سے کم سزا وارننگ اور زیادہ سے زیادہ میچ فیس کا 50 فیصد جرمانہ اور 2 ڈی میرٹ پوائنٹس کی سزا ہوسکتی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News