پاکستان نے کمبوڈیا کو شکست دے کر فیفا ورلڈکپ کوالیفائرز میں پہلی بار دوسرے راؤنڈ کے لیے کوالیفائی کرلیا ہے۔
کھیلوں کے میدان سے پاکستان کے لیے بڑی خوشخبری سامنے آئی ہے جس میں پاکستان نے فیفا ورلڈکپ کوالیفائرز میں کمبوڈیاکو ایک صفر سے شکست دیکر فٹبال کی تاریخ میں پہلی بار دوسرے راؤنڈ کے لیے کوالیفائی کرلیا ہے۔
پاکستان اسپورٹس کمپلیکس اسلام آباد کے جناح اسٹیڈیم میں کھیلے گئے میچ کا واحد گول 69 ویں منٹ میں ہارون حامد نے کیا جب کہ میچ کا پہلا ہاف بغیر کسی گول کے برابررہا۔
فٹبال کی تاریخ میں پاکستان پہلی بار فیفا ورلڈ کپ کوالیفائرز کے دوسرے راؤنڈ میں پہنچا ہے جب کہ 16 نومبر سے پاکستان اور سعودی عرب کے درمیان دوسرے کوالیفائنگ کا پہلا میچ کھیلا جائے گا، دونوں ٹیمیں ہوم اینڈ اوے میچ کھیلیں گی۔
اس موقع پر وفاقی وزیر اطلاعات مرتضیٰ سولنگی، وفاقی سیکرٹری بین الصوبائی رابطہ احمد حنیف اورکزئی، صوبائی وزیر کھیل بلوچستان جمال رئیسانی، ڈائریکٹر جنرل پاکستان اسپورٹس بورڈ شعیب کھوسو سمیت ہزاروں کی تعداد میں شائقین موجود تھی۔
پاکستان کی شاندار کامیابی پر جناح اسٹیڈیم میں ہزاروں شائقین نے جیت کا جشن بھی منایا۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News