پی سی بی مینجمنٹ کمیٹی کے چیئرمین ذکاء اشرف نے پاکستان کرکٹ ٹیم کے لیے نیک تمناؤں کا اظہار کیا ہے۔

پاکستان کرکٹ بورڈ کی مینجمنٹ کمیٹی کے چیئرمین ذکاء اشرف کا کہنا ہے کہ نیک تمناؤں اور دعاؤں  کے ساتھ پاکستانی ٹیم میدان میں اترے گی۔

انہوں نے کہا کہ ہار جیت کھیل کا حصہ ہے، پوری قوم اس ٹیم کے ساتھ ہے۔ امید ہے کہ یہ ٹیم میدان میں ڈٹ کر مقابلہ کرے گی۔

ذکاء اشرف نے مزید کہا کہ ہم سب توقع کرتے ہیں کہ یہ ٹیم ورلڈ کپ جیت کر وطن واپس آئے گی۔

خیال رہے کہ 5 اکتوبر سے بھارت میں ورلڈکپ کا آغاز ہونے جارہا ہے جس کے لیے قومی ٹیم حیدر آباد پہنچ چکی ہے۔

یہ بھی پڑھیں: ورلڈکپ 2023؛ دوسرے وارم اپ میچ میں بھی پاکستان کو آسٹریلیا سے شکست

ورلڈکپ سے قبل پاکستان کرکٹ ٹیم دو وارم اپ میچز کھیل چکی ہے جس میں شکست کا سامنا کرنا پڑا ہے، پہلے مقابلے میں نیوزی لینڈ جب کہ دوسرے مقابلے میں آسٹریلیا سے شکست ہوئی۔

قومی ٹیم ورلڈکپ میں اپنی مہم کا آغاز 6 اکتوبر سے نیدرلینڈز کے خلاف میچ سے کرے گی جب کہ پاک بھارت ٹاکرا 14 اکتوبر کو کھیلا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں