تاجکستان فٹبال ٹیم کے کوچ پیٹر کا کہنا ہے کہ پاکستان میں مہمان نوازی سے ساری تھکاوٹ دور ہوگئی ہے۔
تاجکستان فٹبال ٹیم کے کوچ پیٹر کا پریس کانفرنس کرتے ہوئے کہنا تھا کہ پاکستان میں مہمان نوازی سے بہت خوش ہیں، فٹبال لوگوں کو اکٹھا کرتی ہے اور پاکستان کے ساتھ اچھا فٹبال کھیلنے کی کوشش کریں گے۔
انہوں نے کہا کہ میں پاکستان کے کوچ کو اچھی طرح جانتا ہوں، پاکستانی عوام کو کل اچھا فٹبال میچ دیکھنے کو ملے گا اور ہم 90 منٹ اچھا فٹبال کھیلنے کی کوشش کریں گے۔ پاکستان جلد آنا چاہتے تھے لیکن کچھ تکنیکی وجوہات تھی۔
یہ بھی پڑھیں: فیفا ورلڈکپ کوالیفائرز: تاجکستان کی ٹیم پاکستان پہنچ گئی
ان کا کہنا تھا کہ پاکستان کی مہمان نوازی کی وجہ سے ساری تھکاوٹ دور ہوگئی ہے، ہماری بھی ٹیم ڈویلپمنٹ کے مرحلے سے گزر رہی ہے۔ فٹبال میں ہر دن نیا دن ہوتا ہے اور ایک جیسی صورتحال نہیں ہوتی۔
کوچ کا مزید کہنا تھا کہ ہم پاکستان کی فٹبال کو سمجھتے ہیں کہ غیر ملکی کھلاڑی بھی کھیل رہے ہیں۔ پاکستان قوم فٹبال کی بجائے کرکٹ سے پیار کرتی ہے لیکن کرکٹ کا حال بھی دیکھ لیں، پھر بھی پاکستان سے اچھا مقابلہ دیکھ رہے ہیں۔
تاجکستان فٹبال ٹیم کے کپتان کا کہنا تھا کہ پاکستان آمد پر فٹبال کے لیے تیار ہیں اور قیمتی پوائنٹ حاصل کرنے کی کوشش کریں گے۔
یاد رہے کہ پاکستان اور تاجکستان کے درمیان فیفا ورلڈ کپ کوالیفائنگ راؤنڈ کا میچ کل اسلام آباد میں کھیلا جائے گا جب کہ اس سلسلے میں تاجکستان فٹبال ٹیم اسلام آباد پہنچ چکی ہے۔ دونوں ٹیمیوں نے میچ کے حوالے سے جناح اسٹیڈیم اسلام آباد میں پریکٹس بھی کی۔
دوسری جانب پاکستانی کوچ نے بھی کپتان کے ہمراہ پریس کانفرنس کی اور اس عزم کا اظہار کیا کہ پاکستان اپنے سے رینکنگ میں بہتر ٹیم کے خلاف عمدہ کھیل کھیلنے کی کوشش کرے گا۔
پاکستان کے کپتان کا کہنا تھا کہ پوری دنیا میں فٹبال کی ترقی کے لیے لیگ کھیلی جاتی ہیں جس سے کھلاڑیوں کے کھیل میں نکھار آتا ہے اور پاکستان کو بھی فٹبال لیگ کا اہتمام کرنا چاہیے۔
واضح رہے کہ تاریخ میں پہلی مرتبہ پاکستان نے فیفا فٹبال ورلڈکپ کے دوسرے راؤنڈ میں کوالیفائی کرکے نوجوان کھلاڑیوں میں فٹبال کے شوق کو آگے بڑھانے میں مدد فراہم کی ہے جو پاکستان میں فٹبال کے کھیل کے لیے ایک اہم سنگ میل ثابت ہوسکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News