ورلڈکپ کے بعد تازہ ترین ون ڈے رینکنگ میں بابر اعظم کا کون سا نمبر ہے؟

اعجاز وسیم باکھری

22nd Nov, 2023. 02:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ورلڈکپ کے بعد تازہ ترین ون ڈے رینکنگ میں بابر اعظم کا کون سا نمبر ہے؟

انٹرنیشنل کرکٹ کونسل (آئی سی سی) نے ورلڈکپ 2023 کے بعد ون ڈے کی تازہ ترین رینکنگ جاری کردی۔

آئی سی سی کی جانب سے جاری کردہ تازہ ترین ون ڈے کی بیٹرز رینکنگ میں بھارت کے شھبمن گل کا پہلا نمبر برقرار ہے جب کہ پاکستان کے سابق کپتان بابر اعظم کا دوسرا نمبر ہے۔

بھارتی بیٹر اور بابر اعظم میں صرف دو رینکنگ پوائنٹس کا فرق ہے، شھبمن گل کے 826 پوائنٹس اور بابر اعظم کے 824 پوائنٹس ہیں۔

بیٹرز رینکنگ میں پاکستان کے فخر زمان کا 14واں نمبر ہے جب کہ آسٹریلیا کے ٹریوس ہیڈ 16 درجے ترقی کے بعد 15 ویں نمبر پر آگئے اور آسٹریلیا کے ہی مارنس لبوشین 8 درجے ترقی کے بعد 22 ویں نمبر پر آگئے ہیں۔

یہ بھی پڑھیں: ون ڈے رینکنگ: شھبمن گل نے بابر اعظم سے پہلی پوزیشن چھین لی

بولرز میں جنوبی افریقہ کے کیشو مہاراج کا پہلا نمبر برقرار ہے، آسٹریلیا کے جوش ہیزل ووڈ ایک درجے ترقی کے بعد دوسرے نمبر پر آگئے ہیں۔

پاکستان کے شاہین شاہ آفریدی ایک درجے ترقی کے بعد 9 ویں نمبر پر موجود ہیں جب کہ آل راؤنڈرز رینکنگ میں بنگلادیش کے شکیب الحسن کا پہلا نمبر برقرار ہے۔