قومی ٹیم کے کپتان شان مسعود دورہ آسٹریلیا میں اپنی فارم کو برقرار رکھنے کے لیے پرامید ہیں۔
پاکستان کرکٹ ٹیم کے کپتان شان مسعود کا کہنا ہے کہ جب بھی آپ پریکٹس میچ کھیلتے ہیں تو آپ کو کنڈیشنز اور پچ کو سمجھنے میں مدد ملتی ہے۔
انہوں نے کہا کہ یہ فرسٹ کلاس میچ ہے اس لیے اس میں مقابلے کی فضا رہتی ہے اور اس طرح کے میچ سے ہی ٹیسٹ کی تیاری میں مدد ملتی ہے۔
یہ بھی پڑھیں: پاکستان بمقابلہ پی ایم الیون: شان کی ناقابل شکست ڈبل سنچری ،پاکستان کی پوزیشن مستحکم
ان کا کہنا تھا کہ اس میچ میں ابھی تک جو بھی چیزیں ہم نے کی ہیں وہ آگے ہمیں مدد کریں گی، میں نے پچھلے دو تین برسوں میں اپنی کرکٹ کو آسان رکھنے کی کوشش کی ہے۔
شان مسعود کہتے ہیں کہ سنگ میل اہمیت رکھتے ہیں لیکن اصل اہمیت کھیلنے کے طریقے فارم اور فٹنس کی ہوتی ہے۔
انہوں نے مزید کہا کہ میری کوشش ہوگی کہ اس فارم کو برقرار رکھوں، بولرز نے ابھی تک اچھا رسپانس دیا ہے اور رن ریٹ کنٹرول میں رکھا ہے۔
واضح رہے کہ پاکستان اور آسٹریلیا کی پرائم منسٹر الیون کے درمیان چار روزہ میچ کینبرا میں جاری ہے جس کے دوسرے دن کا کھیل آج اختتام پذیر ہوگیا ہے۔
دوسرے دن کے کھیل کے اختتام تک پرائم منسٹر الیون نے 2 وکٹوں کے نقصان پر 149 رنز بنالیے ہیں جب کہ پاکستان کو 242 رنز کی برتری اب بھی حاصل ہے۔
پاکستان نے اپنی پہلی اننگز 9 وکٹوں کے نقصان پر 391 رنز پر ڈکلیئر کردی تھی جب کہ کپتان شان مسعود شاندار بیٹنگ کا مظاہرہ کرتے ہوئے 201 رنز بناکر ناٹ آؤٹ رہے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News