قومی کرکٹر احمد شہزاد نے دل برداشتہ ہوکر پاکستان سپر لیگ سے ریٹائرمنٹ کا اعلان کردیا۔
قومی کرکٹر احمد شہزاد نے سوشل میڈٰیا پر جاری بیان میں کہا ’’ایسا لگتا ہے کہ مجھے باہر رکھنے کی جان بوجھ کر کوشش کی گئی ہے، مجھے پی ایس ایل کا حصہ نہ بنانے کی وجوہات کا بخوبی علم ہے‘‘۔
A heartfelt goodbye! pic.twitter.com/7NdjpCXjeR
— Ahmad Shahzad 🇵🇰 (@iamAhmadshahzad) December 15, 2023
انہوں نے کہا ’’میں اپنی عزت نفس کی خاطر پاکستان سپر لیگ کو الوداع کہہ رہا ہوں، میں ان 6 ٹیموں کے ساتھ دوبارہ پی ایس ایل نہیں کھیلوں گا‘‘۔
احمد شہزاد کا کہنا تھا کہ ایسا لگتا ہے کہ مجھے پی ایس ایل سے دور رکھنا دانستہ فیصلہ ہے۔ پی ایس ایل کا ایک اور ڈرافٹ گزر گیا لیکن وہی پرانی کہانی، خدا جانے مجھے کیوں منتخب نہیں کیا گیا۔
یہ بھی پڑھیں: افتخار احمد کے بعد احمد شہزاد کا بھی ٹی ٹین لیگ کھیلنے سے انکار
قومی کرکٹر نے کہا کہ میں پچھلے کچھ سالوں میں مسلسل ڈومیسٹک کرکٹ میں پرفارم کررہا ہوں۔ پی ایس ایل ڈرافٹ سے ٹھیک پہلے قومی ٹی ٹوئنٹی کپ میں معقول کارکردگی کا بھی مظاہرہ کیا لیکن فرنچائزز نے مجھ سے کم اسکور کرنے والے دوسرے بلے بازوں کا انتخاب کرلیا۔
ان کا کہنا تھا کہ لگتا ہے سب کچھ پہلے سے طے شدہ ہے، ایسے میں ڈومیسٹک کے پرفارمرز کہاں جائیں۔ مجھے نہیں معلوم پی ایس ایل میں ٹاپ ڈومیسٹک پرفارمرز کو منتخب کرنا کس کی ذمہ داری ہے۔
بلے باز کہتے ہیں کہ میں نے کبھی پیسے کے لیے نہیں کھیلا جب کہ بہت سے لوگ بین الاقوامی لیگز کا انتخاب کرتے ہیں لیکن میں کھیل سے اپنی محبت ثابت کرنے اور دوبارہ سبز پرچم پہننے کے لیے ڈومیسٹک سرکٹ میں کوشش کر رہا ہوں۔
قومی کرکٹر نے یہ بھی کہا کہ مجھے پرائیوٹ لیگ کھیلنے کے لیے کئی معاہدوں کی پیشکش تھی لیکن میں نے ٹھکرا دیں۔ میں دنیا بھر میں اپنے مداحوں سے ملنے والے تعاون کا شکر گزار ہوں۔
انہوں نے مزید کہا کہ میرے مداح اور پورا ملک جلد ہی جان جائیں گے کہ میں کیوں منتخب نہیں ہوا۔ پاکستان کرکٹ ٹیم کے لیے دستیاب ہوں گا اور اگر موقع ملا تو پاکستان کے لیے کھیلوں گا۔
واضح رہے کہ احمد شہزاد پی ایس ایل 9 میں بھی پک نہ ہونے پر دلبرداشتہ ہوگئے ہیں جب کہ انہوں نے یہ فیصلہ پاکستان سپر لیگ کے ڈرافٹ میں منتخب نہ کیے جانے پر کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News