آسٹریلیا کے خلاف دوسرے ٹیسٹ کے لیے پاکستان کرکٹ ٹیم پرتھ سے میلبرن پہنچ گئی ہے۔
پاکستان اور آسٹریلیا کی ٹیموں کے درمیان تین ٹیسٹ میچز پر مشتمل سیریز جاری ہے جس کا دوسرا ٹیسٹ میلبرن میں کھیلا جائے گا۔
دوسرے ٹیسٹ کے لیے پاکستان کرکٹ ٹیم پرتھ سے میلبرن پہنچ گئی ہے، پاکستان ٹیم 20 دسمبر کو آرام کرے گی اور 21 دسمبر کو ٹیم پریکٹس کرے گی۔
Perth ✈️ Melbourne
AdvertisementPakistan team make their journey for the second Test#AUSvPAK pic.twitter.com/F5wiK1b25v
— Pakistan Cricket (@TheRealPCB) December 19, 2023
22 اور 23 دسمبر کو ٹیم دو روزہ پریکٹس میچ کھیلے گی جب کہ 24 دسمبر کو آرام کے بعد ٹیم 25 دسمبر کو پریکٹس کرے گی۔ پاکستان اور آسٹریلیا کے درمیان میلبرن میں دوسرا ٹیسٹ 26 دسمبر سے شروع ہوگا۔
اس سے قبل پرتھ میں کھیلے گئے پہلے ٹیسٹ میچ میں قومی ٹیم کو 360 رنز سے عبرتناک شکست کا سامنا کرنا پڑا تھا۔
آسٹریلیا نے پہلی اننگز میں 487 رنز اسکور کیے تھے جس کے جواب میں قومی ٹیم 271 رنز پر آل آؤٹ ہوگئی تھی جب کہ پاکستان کو پہلی اننگز میں 216 رنز کے خسارے کا سامنا تھا۔
آسٹریلیا نے دوسری اننگز میں 233 رنز 5 کھلاڑی آؤٹ پر اپنی اننگز ڈکلیئر کردی تھی جب کہ پاکستان کو جیت کے لیے 450 رنز کا ہدف دیا تھا۔
تاہم قومی ٹیم دوسری اننگز میں بھی بری طرح ناکام ثابت ہوئی اور پوری ٹیم صرف 89 رنز پر ہی پویلین لوٹ گئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News